فيديو: إيجاد جميع القِيَم المجهولة في مثلث قائم الزاوية

بمعلومية الشكل التالي، أوجد طول ﺃﺏ، ﺏﺟ، وقياس ∠ﺃﺏﺟ بالدرجات لأقرب رقمين عشريين.

٠٢:٢٥

‏نسخة الفيديو النصية

بمعلومية الشكل التالي، أوجد طول أ ب وَ ب ﺟ، وقياس الزاوية أ ب ﺟ بالدرجات، لأقرب رقمين عشريين.

لو بصّينا للشكل، هنلاقي إن أ ب ﺟ مثلث قائم الزاوية في أ. وقياس الزاوية ﺟ معروف؛ تمنية وخمسين. وهنحدّد كل ضلع هو إيه بالنسبة للزاوية ﺟ.

أ ب بيقابل الزاوية ﺟ، علشان كده هو المقابل. أمّا أ ﺟ، فبيجاور الزاوية ﺟ. فهيبقى بالنسبة للزاوية ﺟ المجاور. وَ ب ﺟ هو الوتر؛ لأنه بيقابل الزاوية القائمة. والنسب المثلّثية التلاتة للزاوية ﺟ: جيب تمام الزاوية ﺟ جتا ﺟ بيساوي المجاور على الوتر. وظل الزاوية ظا ﺟ بيساوي المقابل على المجاور. وجيب الزاوية ﺟا ﺟ بيساوي المقابل على الوتر.

لكن ما نعرفش المقابل وما نعرفش الوتر. وعشان كده، هنشتغل بجيب التمام والظل. جتا ﺟ … جتا تمنية وخمسين بيساوي المجاور، والمجاور ستة. أمّا الوتر فهو ب ﺟ. وهيبقى ب ﺟ بيساوي ستة على جتا تمنية وخمسين. باستخدام الآلة الحاسبة ب ﺟ هيساوي تقريبًا حداشر واتنين وتلاتين من مية.

بالنسبة للظل ظا ﺟ، ظا تمنية وخمسين بيساوي المقابل … المقابل هو أ ب، والمجاور هو ستة. وهيبقى أ ب بيساوي ستة في ظا تمنية وخمسين. ومن هنا أ ب هيساوي تقريبًا تسعة وستة من عشرة.

قياس الزاوية أ ب ﺟ هيساوي مية وتمانين درجة ناقص مجموع الزاويتين الأخرتين؛ تسعين زائد تمنية وخمسين درجة. بيساوي مية وتمانين ناقص مية تمنية وأربعين. وده بيساوي اتنين وتلاتين درجة.

وهتكون الإجابة: طول أ ب لأقرب رقمين عشريين تسعة وستة من عشرة. وطول ب ﺟ لأقرب رقمين عشريين حداشر واتنين وتلاتين من مية. وقياس الزاوية أ ب ﺟ هيساوي اتنين وتلاتين درجة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.