تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد قياس قوس في دائرة بمعلومية قياس قوس آخَر

سوزان فائق

أوجد ﻕ القوس ﺟﺏ.

٠٢:٣٣

‏نسخة الفيديو النصية

اوجد قياس القوس ج ب.

أ هـ وَ أ ج قاطعان مشتركان في النقطة أ، والزاوية ما بينهم أربعة وتلاتين درجة، وقياس القوس ج هـ بيساوي مية واحد وخمسين، وقياس القوس ب ج بيساوي قياس القوس د هـ. هنستخدم نظرية إذا تقاطع قاطعان في نقطة خارج دايرة، فإن قياس الزاوية المتكونة يساوي نصف الفرق الموجب بين قياسَي القوسين المقابلين لها.

يبقى الزاوية أ، اللي هي قياسها أربعة وتلاتين درجة، هتساوي نص الفرق الموجب ما بين القوس هـ ج وَ ب د. هنعوّض في قياس الزاوية أ، اللي هي أربعة وتلاتين درجة، هتساوي نص قياس القوس ج هـ، اللي هو مية واحد وخمسين درجة، ناقص قياس القوس ب د مجهول.

هنوجد قياس القوس ب د، يبقى مية واحد وخمسين درجة ناقص قياس القوس ب د هيساوي اتنين في أربعة وتلاتين يساوي تمنية وستين درجة، يبقى مية واحد وخمسين درجة ناقص تمنية وستين درجة هتساوي قياس القوس ب د، يساوي تلاتة وتمانين درجة.

كده أوجدنا قياس القوس ب د، وعندنا هـ ج، باقي نوجد ج ب اللي هو بيساوي د هـ. وبما أن مجموع قياس أقواس الدايرة بيساوي تلتمية وستين درجة، إذن قياس القوس ب ج زائد قياس القوس هـ د زائد قياس القوس ب د زائد قياس القوس هـ ج هيساوي تلتمية وستين درجة. هنعوّض عن القيم المعلومة، يبقى قياس القوس ب ج اللي هو بيساوي قياس القوس هـ د، يعني اتنين من قياس القوس ب ج، هيساوي تلتمية وستين درجة ناقص تلاتة وتمانين درجة ناقص مية واحد وخمسين درجة، هيساوي مية ستة وعشرين درجة. يبقى قياس القوس ب ج يساوي مية ستة وعشرين على الاتنين، هيساوي تلاتة وستين درجة، وهي دي القيمة المطلوبة.