فيديو: حل المسائل الكلامية باستخدام جدول الضرب والطرح

تضع فتاة الشموع في سبعة صفوف؛ في كل صف ٥ شموع. إذا وضعت الفتاة ٥ شموع، فكم شمعة تبقت لتكمل بها الصفوف؟

٠١:٣٧

‏نسخة الفيديو النصية

تضع فتاة الشموع في سبعة صفوف. في كل صف خمس شموع. إذا وضعت الفتاة خمس شموع، فكم شمعة تبقّت لتُكْمل بها الصفوف؟

السؤال بيقول لنا إن فيه بنت بتحطّ شمع في سبع صفوف. بتحطّ في كل صف، من السبع صفوف دول، خمس شمعات. والسؤال بيقول لنا، إذا وضعت الفتاة خمس شموع. يعني لو حطّت خمس شموع هنا. فيتبقّى لها كام شمعة تحطّهم في باقي الصفوف دي؟

دلوقتي البنت عندها سبع صفوف. هتحطّ في كل صف خمس شموع. يعني سبعة في خمسة، هو عدد الشموع كلها في السبع صفوف. طيب من جدول ضرب الخمسة، السبعة في خمسة بتساوي خمسة وتلاتين. يبقى عدد الشموع في السبع صفوف كلهم، خمسة وتلاتين شمعة.

طب السؤال بيقول لنا بقى، لو هي حطّت أصلًا الخمس شموع دول، هيتبقّى لها كام شمعة؟ هناخد الخمسة وتلاتين، اللي هو عدد الشموع في السبع صفوف كلهم. ونشيل منهم الخمس شمعات اللي هي أصلًا حطّتهم. ونقول خمسة وتلاتين ناقص خمسة بتساوي تلاتين. يبقى التلاتين هو عدد الشمعات اللي المفروض تتحطّ في الست صفوف اللي باقيين. وتبقى إجابة السؤال: تلاتين شمعة. هي دي الإجابة الصح.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.