فيديو: استخدام الشبكات المصفوفة والمعادلات لتمثيل العبارات التي تتضمَّن المقارنة باستخدام الضرب

كارول ومحمود كانوا يقطفان الفراولة، قطف محمود ٩ حبات فراولة، قطفت كارول ٣ أمثال الفراولة التي قطفها محمود. أي شبكة مصفوفة توضح عدد حبات الفراولة التي قطفتها كارول؟

٠٢:٤٠

‏نسخة الفيديو النصية

كارول ومحمود كانوا يقطفان الفراولة، قطف محمود تسع حبات فراولة، وقطفت كارول ثلاثة أمثال الفراولة التي قطفها محمود، أي شبكة مصفوفة توضح عدد حبات الفراولة التي قطفتها كارول؟

هنفسر الكلام ببساطة، عندنا كارول ومحمود، كانو بيقطفوا الفراولة، قطف محمود تسع حبات؛ يبقى دي الفراولة اللي قطفها محمود: واحد، اتنين، تلاتة، أربعة، خمسة، ستة، سبعة، تمنية، تسعة. قطفت كارول ثلاثة أمثال الفراولة التي قطفها محمود، يعني الصف اللي محمود قطفه ده، كارول قطفت تلات أمثاله، وإحنا قُلنا إن الصف ده فيه تسع فراولات، هنحط عليهم كمان تسعة زيهم، وكمان تسعة، يبقى عدد الفراولات اللي قدامنا دي هي اللي قطفتها كارول؛ لأن لما قُلنا إن محمود قطف تسعة، قُلنا إن كارول قطفت تلات أمثال محمود؛ يعني تسعة، زائد تسعة، زائد تسعة، اللي هي تسعة في تلاتة، يبقى هي دي الشبكة المصفوفة اللي بتوضح عدد حبات الفراولة اللي قطفتها كارول.

طيب أي معادلة ضرب تمثل عدد حبات الفراولة التي قطفتها كارول، إحنا كده عرفنا الشبكة المصفوفة اللي بتمثل الفراولة اللي قطفتها كارول، ومثلناها، وقلنا إن هي تسعة زائد تسعة زائد تسعة، اللي هي بتساوي تسعة في تلاتة؛ يبقى التسعة في تلاتة دي هي معادلة الضرب اللي بتمثل حبات الفراولة اللي كارول قطفتها، وهنلاقي إن التسعة في تلاتة بتساوي سبعة وعشرين.

يبقى الإجابة هي تسعة في تلاتة يساوي سبعة وعشرين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.