فيديو: حل المسائل الكلامية التي تتضمن معدلات متماثِلة

يمشي شخص ١٠ كيلومترات في ٤٠ دقيقة بسرعة ثابتة. إذا استمر هذا الشخص في المشي بهذه السرعة، فماذا يستغرق من الوقت ليمشي ٦ كيلومترات؟

٠١:٢٤

‏نسخة الفيديو النصية

يمشي شخص عشرة كيلومترات في أربعين دقيقة بسرعة ثابتة. إذا استمر هذا الشخص في المشي بهذه السرعة، فماذا يستغرق من الوقت ليمشي ست كيلومترات؟

يعني عندنا شخص بيمشي عشرة كيلومتر في أربعين دقيقة. طيب لو مشي ست كيلومترات، يبقى هيمشيهم في كام دقيقة؟ فعشان نعرف الوقت اللي هيستغرقه عشان يمشي ست كيلومترات، يبقى هنقوم بعمل ضرب تبادلي، فهيبقى عندنا، فهيبقى عندنا عشرة في الوقت اللي عايزين نحسبه بيساوي ستة في أربعين. وممكن نرمز للوقت اللي عايزين نحسبه بالرمز س.

بعد كده عشان نوجد قيمة س، يبقى هنقسم طرفَي المعادلة على عشرة. فهيبقى الطرف الأيمن للمعادلة، هنختصر عشرة مع عشرة، فهيتبقّى عندنا س. وأما الطرف الأيسر للمعادلة، فهنقسم البسط والمقام على عشرة؛ فعشرة على عشرة بواحد، وأربعين على عشرة بأربعة.

فهتبقى س بتساوي ستة في أربعة. فهنحسب ستة في أربعة، واللي بتساوي أربعة وعشرين. فهتبقى س بتساوي أربعة وعشرين. فمعنى كده إن الوقت اللي هيستغرقه الشخص ليمشي ست كيلومترات هو أربعة وعشرين دقيقة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.