فيديو: تحديد هل يوجد تناسب بين طول ضلع مربع ومساحته

هل يتناسب طول أحد أضلاع الشكل المُعطى مع مساحته؟

٠١:٤٢

‏نسخة الفيديو النصية

هل يتناسب طول أحد أضلاع الشكل المعطى مع مساحته؟

في حالة التناسب، لازم تكون العلاقة بين المتناسبين ثابتة. فلو مثلًا طول الضلع بيساوي ع، هتبقى مساحة المربع بتساوي ع في ع، يعني بتساوي ع تربيع.

فإذا كانت ع بتساوي تلاتة، ففي الحالة دي هتبقى مساحة المربع، اللي هي ع تربيع، بتساوي تلاتة تربيع. يعني بتساوي تسعة. فهتبقى النسبة بين طول الضلع ومساحة المربع بتساوي تلاتة إلى تسعة. وبقسمة طرفَي التناسب على تلاتة هتساوي واحد إلى تلاتة. وده في حالة إن ع بتساوي تلاتة.

طيب إذا كانت ع بتساوي أربعة؟ في الحالة دي، هتبقى مساحة المربع ع تربيع بتساوي أربعة تربيع. يعني بتساوي ستاشر. يعني النسبة بين طول الضلع إلى مساحة المربع هتساوي أربعة إلى ستاشر. وبقسمة طرفَي التناسب على أربعة، ده هيساوي واحد إلى أربعة.

وبالتالي نقدر نلاحظ إن النسبتين غير متساويتين. وده معناه إن طول ضلع المربع لا يتناسب مع مساحته.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.