فيديو: تحديد تقاطع مجموعتين معلومتين

ما ﻥ′ ∩ ﺹ؟

٠١:٠٩

‏نسخة الفيديو النصية

ما تقاطع المجموعتين ن شرطة وَ ص؟

إحنا عارفين إن ن شرطة هي مجموعة الأعداد غير النسبية؛ يعني اللي ما نقدرش نكتبها على الصورة أ على ب. أما ص فهي مجموعة الأعداد الصحيحة، سواء الصحيحة الموجبة أو السالبة، واللي من ضمنها برضو الصفر.

وإحنا دلوقتي عايزين نوجد التقاطع بين المجموعتين ن شرطة وَ ص. والتقاطع زي ما إحنا عارفين يبقى عبارة عن مجموعة العناصر المشتركة بين المجموعتين المتقاطعتين. إحنا لو بصينا إيه هي عناصر المجموعة ن شرطة، هنلاقي إنها مش أعداد صحيحة عمرها، بالعكس هي بتبقى أعداد ما ينفعش نكتبها على صورة كسر. يعني في الغالب هي أعداد عشرية، مش ممكن كتبتها على صورة كسر ليه بسط ومقام. فبالتالي ما فيهاش أي أعداد صحيحة. وبالتالي فما فيش أي عناصر مشتركة بينها وبين عناصر المجموعة ص.

فنقدر نقول إن كده التقاطع بين المجموعتين ن شرطة وَ ص، هيبقى عبارة عن المجموعة الخالية أو الفارغة؛ لأن ما فيش أي عناصر مشتركة بين المجموعتين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.