تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: حل المتباينات التربيعية بمعلومية التمثيل البياني لدالة ذات صلة

سوزان فائق

أوجد مجموعة الحل للمتباينة د(ﺱ) ≤ ٠ باستخدام الرسم البياني التالي.

٠١:٥٤

‏نسخة الفيديو النصية

أوجد مجموعة حل المتباينة د س أصغر من أو يساوي الصفر باستخدام الرسم البياني التالي.

مجموعة حل المتباينة هي قيم السينات اللي دايمًا تحقق المتباينة، يعني مطلوب في المثال ده هنوجد قيم السينات اللي تخلي دايمًا الدالة د س أصغر من أو تساوي الصفر، الدالة د س إمتى تبقى أصغر من أو تساوي الصفر، لما تكون قيم الصادات دايمًا أقل من أو تساوي الصفر؛ يعني ممكن الصادات تساوي صفر أو أقل، في الرسم اللي قدامنا هنلاقي إن السالب تلاتة والسالب أربعة لقيم السينات مخليين الدالة تبقى بصفر، وما بين السالب تلاتة و السالب أربعة الرسم بيطلع فوق؛ يعني بيخلي الصادات قيمها تبقى موجبة، وباقي الرسم كله دايمًا قيم الصادات هتبقى سالبة، يبقى جميع الأعداد الحقيقية سينات ممكن تاخدها، لكن من سالب تلاتة لسالب أربعة دول بالذات بيخلوا الدالة موجبة فهنحذفهم من الـ ح، يبقى الـ ح فرق السالب أربعة إلى السالب تلاتة، وإحنا عارفين إن السالب تلاتة والسالب أربعة ممكن يخلوا الدالة بصفر؛ يعني معنى كده إن هم جوه مجموعة الحل، فلما هنحذفهم من الـ ح هنحذف اللي جوه السالب تلاتة للسالب أربعة، لكن منحذفش قيمة السالب تلاتة والسالب أربعة، فهنخلي الفترة مفتوحة بالشكل ده، وهي دي مجموعة الحل اللي تحقق المتباينة.