فيديو: حل المسائل الكلامية التي تتضمن طرح عددين مكوَّنين من أكثر من رقم

في شهر يناير، بلغ عدد المواليد في إحدى المحافظات ٥٧٩١٢ مولودًا، بينما بلغ ٣١٦٢١ مولودًا في محافظة أخرى. احسب الفرق في عدد المواليد بين المحافظتين.

٠١:٢٩

‏نسخة الفيديو النصية

في شهر يناير بلغ عدد المواليد في إحدى المحافظات سبعة وخمسين ألف تسعمية واتناشر مولودًا، بينما بلغ واحد وتلاتين ألف ستمية واحد وعشرين مولودًا في محافظة أخرى. احسب الفرق في عدد المواليد بين المحافظتين.

اللي مطلوب مننا هنا نحسب الفرق في عدد المواليد، معناها إن إحنا هنجري عملية طرح، هنطرح عدد المواليد في المحافظة التانية من عدد المواليد في المحافظة الأولى، ونبدأ نطرح من خانة الآحاد؛ اتنين ناقص واحد هيساوي واحد، وبعدين خانة العشرات؛ واحد ناقص اتنين … مش هينفع نطرح اتنين مِ الواحد عشان الاتنين أكبر من الواحد، فهنروح للخانة المكانية الخاصة بالمئات ونستلف واحد منها، فيصبح فيها تمنية، والواحد اللي في العشرات ده هيصبح دلوقتي حداشر. دلوقتي نقدر نطرح حداشر ناقص اتنين هيبقى بيساوي تسعة، وبعدين نطرح تمنية ناقص ستة يبقى الناتج اتنين. وبعدين نتحرك للخانة المكانية الخاصة بالألوف، ونطرح سبعة ناقص واحد هيبقى الناتج ستة، وبعدين آخر خانة مكانية عندنا الخاصة بعشرات الألوف، هنطرح خمسة ناقص تلاتة هيبقى الناتج اتنين.

ويبقى كده قدرنا نوجد الفرق بين عدد المواليد في المحافظتين، وهو ستة وعشرين ألف ميتين واحد وتسعين مولودًا.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.