فيديو: إيجاد حاصل ضرب عددين مركبين على الصورة الجبرية

‏نسخة الفيديو النصية

اضرب سالب تلاتة زائد ت، في اتنين زائد خمسة ت.

في البداية عشان نقدر نضرب سالب تلاتة زائد ت، في اتنين زائد خمسة ت؛ فهيساوي، أول حاجة هضرب سالب تلاتة في اتنين، وسالب تلاتة في خمسة ت؛ فهيكون عندنا سالب تلاتة في اتنين، زائد سالب تلاتة في خمسة ت.

تاني حاجة هنضرب ت في اتنين، و ت في خمسة ت، فهيكون عندنا زائد ت في اتنين، زائد ت في خمسة ت؛ يعني المقدار هيساوي سالب تلاتة في اتنين، هيساوي سالب ستة، وسالب تلاتة في خمسة ت، هيساوي سالب خمستاشر ت، و ت في اتنين هيساوي اتنين ت، و ت في خمسة ت هيساوي خمسة ت تربيع، وبما إن ت تربيع بتساوي سالب واحد؛ فهنعوض عن ت تربيع بسالب واحد، يعني المقدار هيساوي سالب ستة، وعندنا سالب خمستاشر ت زائد اتنين ت، هتكون سالب تلتاشر ت زائد خمسة مضروبة في سالب واحد؛ يعني المقدار هيساوي سالب ستة، ناقص تلتاشر ت، ناقص خمسة؛ يعني المقدار هيساوي سالب حداشر، ناقص تلتاشر ت.

ويبقى كده قدرنا نوجد حاصل الضرب، وكان بيساوي سالب حداشر ناقص تلتاشر ت.