فيديو: تحويل الأطوال من الكيلومترات إلى الأمتار

إذا ركض كريم كيلومترين في يوم الأحد، فكم مترًا ركض؟

٠١:١١

‏نسخة الفيديو النصية

إذا ركض كريم كيلومترين في يوم الأحد، فكم مترًا ركض؟

يعني معطى عندنا إن كريم جري اتنين كيلومتر في يوم الأحد. والمطلوب إننا نعرف كام متر ركضهم كريم. يعني معنى كده إننا عاوزين نحوّل المسافة اللي جريها كريم من كيلومتر إلى متر.

وفي الأول خلينا نفتكر إن واحد كيلومتر بيساوي ألف متر. وبالتالي علشان نحوّل من كيلومتر إلى متر يبقى هنضرب المسافة أو المقدار في ألف. وأما لو العكس؛ يعني لو عايزين نحوّل من متر إلى كيلومتر، يبقى هنقسم المسافة أو المقدار على ألف.

وبما إن معطى عندنا المسافة اللي جريها كريم بالكيلومتر، والمطلوب إننا نحوّلها للمتر. ومعطى إنه جري كيلومترين؛ يعني اتنين كيلومتر. وزي ما قلنا علشان نحوّل من كيلومتر إلى متر، يبقى بنضرب في ألف. فبالتالي اتنين كيلومتر علشان نحوّلهم إلى متر، هنضرب اتنين في ألف. فلمّا نحسب اتنين في ألف هتبقى بتساوي ألفين. وبالتالي هيبقى المسافة اللي جريها بالمتر هي ألفين متر. فهتبقى هي دي إجابة السؤال ألفين متر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.