فيديو: إيجاد الحد الأوسط بمعلومية مفكوك مقدار ذات حدين

أوجد الحد الأوسط في المفكوك الآتي: ١ + (^١٦)ق(_١) س + (^١٦)ق(_٢) س^٢ + ⋯ + (^١٦)ق(_١٦) س^١٦.

٠٢:١٥

‏نسخة الفيديو النصية

أوجد الحد الأوسط في المفكوك الآتي: واحد زائد ستاشر ق واحد في الـ س، زائد ستاشر ق اتنين في الـ س تربيع، زائد … حتى ستاشر ق ستاشر س أُس ستاشر.

ده مفكوك واحد زائد س الكل أس ن بنظرية ذات الحدين. والحد العام فيها ح ر زائد واحد يساوي ن ق ر في س أُس ر؛ حيث الـ ر زائد الواحد دي رتبة الحد. يعني مثلًا الحد ده رتبته هنا، اللي هي زي دي. دي ر، ودي واحد. يبقى معنى كده إن الـ ر زائد الواحد هنزوّد على دي واحد، يبقى رتبتها اتنين.

والـ ن هنا هي القيمة دي المقابلة هنا للستاشر. يبقى ن تساوي ستاشر. والحد الأوسط في مفكوك واحد زائد س الكل أس ن، إذا كان الـ ن عدد زوجي فإن عدد حدود المفكوك عدد فردي. وبيوجد حد أوسط وحيد رتبته ن زائد اتنين على اتنين.

يبقى معنى كده إن الحد الأوسط هيبقى رتبته ن زائد اتنين ستاشر زائد اتنين على اتنين هيساوي تسعة. يبقى عايزين نوجد الحد اللي رتبته تسعة. هيساوي … ن قيمتها ستاشر. ق الـ ر اللي هي ننقص من دي واحد، يبقى ق تمنية. في الـ س أُس الـ ر اللي هي أوجدنا قيمتها تمنية، يبقى س أُس تمنية. يبقى ده الحد الأوسط. ستاشر ق تمنية في س أُس تمنية.

باستخدام الآلة الحاسبة وقيمة التوافيق ستاشر ق تمنية، يبقى الحد الأوسط هيساوي اتناشر ألف تمنمية وسبعين في س أُس تمنية. وهي دي الإجابة المطلوبة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.