فيديو: العد بالعشرات

معاذ صالح

يوضح الفيديو كيفية العد بالعشرات باستخدام قِطَع العد، وأمثلةً عليها.

٠٢:٠٨

‏نسخة الفيديو النصية

العد بالعشرات.

في الفيديو ده هنتعلم إزاي بنعدّ بالعشرات. لما بنعدّ أي حاجة، بنعدها بقطعة واحدة كل مرة في العادة. بس ممكن برضو نجمعها في مجموعات من عشرة، ونعدها بالعشرات.

يعني مثلًا هيظهر قدامنا تلاتين قطعة عَدّ. فممكن نعدهم قطعة واحدة في المرة، ونقول إنهم تلاتين. أو ممكن نجمعهم بالشكل ده، ونقول إنهم تلات عشرات. وفي الحالتين همّ متساويين.

وفي الحالة دي لمّا نعدّ القطع، هنعدها: عشرة، عشرين، تلاتين؛ وبنكتبها ثلاثون.

نتنقل لصفحة تانية، ونحل مثال تاني.

الشكل اللي هيظهر قدامنا بنعده إزاي؟ قدامنا أربع عشرات. وبنعدهم: عشرة، عشرين، تلاتين، أربعين. وبنكتبها أربعين، أو أربعون.

مثال تاني. الشكل اللي قدامنا بنعده إزاي؟ ظاهر قدامنا ست عشرات. وبنعدها: عشرة، عشرين، تلاتين، أربعين، خمسين، ستين. وبنكتبها ستين أو ستون.

وبكده نبقى خلصنا الفيديو ده اللي اتعلمنا فيه إزاي بنعدّ بالعشرات.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.