فيديو: مركَّبات متجه‎

يوضح الشكل الآتي متجهًا. ما إحداثيات نقطة نهاية المتجه؟ ما إحداثيات نقطة بداية المتجه؟ ما مركبتا المتجه؟

٠٢:٠٤

‏نسخة الفيديو النصية

يوضح الشكل الآتي متجهًا. فيه تلاتة أسئلة عايزين نوجد إجابتهم. أول سؤال: ما إحداثيات نقطة نهاية المتجه؟

المتجه بيتحدّد بنقطتين؛ نقطة بدايته، ونقطة نهايته. نهايته دي بتبقى عند رأس سهم المتجه. عايزين نوجد إحداثيات نقطة النهاية. يبقى هنتحرّك رأسي لغاية ما نقابل محور السينات، ونوجد القيمة. وبعدين نتحرّك أفقي لغاية ما نلاقي محور الصادات، ونحسب القيمة. يبقى هنا نقطة نهاية المتجه، هي الزوج المرتب واحد وأربعة.

السؤال التاني: ما إحداثيات نقطة بداية المتجه؟

هي دي نقطة بداية المتجه. هنتحرّك رأسي في اتجاه محور السينات، ونوجد قيمته. يبقى هنا سبعة. وبعدين نتحرّك أفقي في اتجاه محور الصادات، هنلاقيها أربعة. يبقى إحداثيات نقطة بداية المتجه هي الزوج المرتب سبعة وأربعة.

السؤال التالت والأخير: ما مركبتا المتجه؟

أيّ متجه ممكن نعبّر عنه بالمركبتي س وَ ص، وبيساوي نقطة النهاية ناقص نقطة البداية. نقطة النهاية هي واحد وأربعة. نقطة البداية سبعة وأربعة. هطرحهم من بعض عن طريق إن إحنا نطرح السينات من السينات. يبقى الواحد ناقص السبعة. والصادات أربعة ناقص الأربعة. يبقى دول هيساووا مركبتي المتجه ي. واحد ناقص سبعة، سالب ستة. والأربعة ناقص الأربعة بالصفر. يبقى مركبتي المتجهه ي: سالب ستة وصفر. وهي دي إجابات التلات أسئلة المطلوبين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.