فيديو: إيجاد ميل مستقيم علمًا بأنه يمر بنقطتين مُعطاتين

ما ميل الخط المار بالنقطتين (٢، ١٤)، (٣، ٢٢)؟

٠١:٣٩

‏نسخة الفيديو النصية

ما ميل الخط المارّ بالنقطتين: الزوج المرتب اتنين وأربعتاشر، والزوج المرتب تلاتة واتنين وعشرين؟

يعني معطى عندنا نقطتين، ودي إحداثياتهم. والمطلوب إننا نوجد الميل بتاع الخط اللي هيمُرّ بالنقطتين. وفي الأول خلينا نفتكر إن الميل هو نسبة التغير الرأسي، اللي هو الارتفاع. إلى التغير الأفقي، اللي هو المسافة الأفقية. فبالتالي بما إنه معطى عندنا إحداثيات نقطتين، فنقدر نوجد الميل. عن طريق إيجاد نسبة التغير في قيم ص، إلى التغير في قيم س.

فلو فرضنا في النقطة اللي عندنا هنا، إن دي س واحد، ودي ص واحد. وأمّا في النقطة التانية، فيبقى عندنا دي س اتنين، ودي ص اتنين. فبالتالي عشان نوجد التغير في ص، يعني هنحسب الفرق بين ص واحد وَ ص اتنين. فهيبقى عندنا اتنين وعشرين ناقص أربعتاشر. وبنفس الطريقة عشان نوجد التغير في س، يبقى هنوجد الفرق بين س واحد وَ س اتنين. يعني هنحسب تلاتة ناقص اتنين.

بعد كده هنبدأ نحسب. فهيبقى عندنا في البسط اتنين وعشرين ناقص أربعتاشر. فلمّا نحسبها هتبقى بتساوي تمنية. وأمّا في المقام، فهنحسب تلاتة ناقص اتنين، واللي هتساوي واحد. فيبقى الميل هو تمنية على واحد. فنقدر نكتبها تمنية. وبالتالي هيبقى ميل الخط المارّ بنقطتين، هو: تمنية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.