فيديو: جمع عددين حتى ٩٩٩

٣٢٠ +٤١٢ = _.

٠١:٤٢

‏نسخة الفيديو النصية

تلتمية وعشرين زائد ربعمية واتناشر …

عاوزين نوجد ناتج جمع تلتمية وعشرين زائد ربعمية واتناشر. علشان نحل السؤال ده، هنكتب العددين تحت بعض في شكل رأسي. فأول حاجة هنكتبها هي التلتمية وعشرين. تلاتة مئات، واتنين عشرات، وصفر آحاد. وتحتها الربعمية واتناشر. اتنين في الآحاد، تيجي تحت الصفر. واحد في العشرات، ييجي تحت الاتنين. أربعة في المئات، ييجي تحت التلاتة. بعدين علامة الزائد، وخط الناتج، ونبدأ نجمع.

أول حاجة هنجمعها الآحاد؛ صفر زائد اتنين. صفر لمّا نحطّ عليه اتنين، هتبقى هي هيّاها الاتنين. بعدين نجمع العشرات؛ اتنين زائد واحد. الاتنين في مخّنا، والواحد على إيدينا. ونعدّ بعد الاتنين: تلاتة. يبقى ده معناه إن اتنين زائد واحد بتساوي تلاتة.

بعدين نجمع المئات؛ تلاتة زائد أربعة. تلاتة وأربعة. الأربعة في مخّنا، والتلاتة على إيدينا. ونعدّ بعد الأربعة: خمسة، ستة، سبعة. يبقى تلاتة زائد أربعة بتساوي سبعة. وبكده نكون جِبنا ناتج جمع تلتمية وعشرين زائد ربعمية واتناشر. وهو سبعمية اتنين وتلاتين. هيبقى حل السؤال بتاعنا: سبعمية اتنين وتلاتين. وهي دي الإجابة الصح.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.