فيديو: استخدام المتغيرات لتمثيل الأعداد وكتابة معادلات عند حل مسائل رياضية أو واقعية

على مدار أسبوع، تدرَّبت مريم على المزمار ٥ ساعات. كانت هذه المدة أطول من المدة التي تدرَّبتها في الأسبوع الماضي بمقدار ٣ ساعات. اكتب أولًا معادلة لعدد الساعات (ﺱ) التي تدرَّبتها في الأسبوع الماضي، ثم حُلَّها.

٠٣:٠١

‏نسخة الفيديو النصية

على مدار أسبوع، تدرَّبت مريم على المزمار خمس ساعات. كانت هذه المدة أطول من المدة التي تدرّبتها في الأسبوع الماضي، بمقدار تلات ساعات. اكتب أولًا معادلة لعدد الساعات س التي تدرَّبتها في الأسبوع الماضي، ثم حُلها.

السؤال هنا بيقول لنا إن على مدار أسبوع مريم اتدرّبت على المزمار خمس ساعات. المدة دي كانت أطول من المدة اللي اتدرّبتها في الأسبوع اللي قبله بمقدار تلات ساعات. ومحتاج مننا إننا نكتب المعادلة لعدد الساعات س. عدد الساعات س دي، اللي هي عدد الساعات التي تدرّبتها في الأسبوع الماضي، وبعدين نحل المعادلة دي.

هنقسّم السؤال لجزئين: عدد ساعات التدريب في الأسبوع الحالي، وعدد ساعات التدريب في الأسبوع الماضي. عدد ساعات التدريب في الأسبوع الحالي قال لي في السؤال إنهم خمس ساعات. وعدد ساعات التدريب في الأسبوع الماضي فرضها في السؤال بـ س. عندنا في السؤال إن الخمس ساعات دول أطول من س بتلات ساعات. طيب التلات ساعات دول نحطّهم مع عدد ساعات التدريب في الأسبوع الحالي، ولّا في الأسبوع الماضي؟

هو في السؤال قايل لنا إن المدة، اللي هي الخمس ساعات، كانت أطول من المدة اللي اتدرّبتها في الأسبوع الماضي، بمقدار قد إيه؟ تلاتة. يعني عدد ساعات الأسبوع الماضي، اللي هي س زائد تلاتة. نكتب الكلام ده إزاي في معادلة؟ ببساطة، هنحطّ بين الطرفين دول يساوي. يبقى المعادلة المطلوبة مننا تكون خمسة بيساوي س زائد تلاتة.

المطلوب التاني في السؤال، إن إحنا نحل المعادلة. خمسة بيساوي س زائد تلاتة. كتبنا المعادلة تاني عشان نعرف نحلها. طيب علشان نعرف نحل المعادلة، لازم نخلّي س في طرف لوحدها. وعلشان نخلّي س في طرف لوحدها، لازم نتخلص مِ اللي جنبها. اللي جنبها هنا التلاتة. عشان نتخلّص من التلاتة، هنطرح هنا ناقص تلاتة، وزيها بالظبط لازم نطرح في الناحية التانية؛ عشان نحافظ على الميزان، هنا برضو ناقص تلاتة.

طيب خمسة لو طرحنا منها تلاتة، هتدينا إيه؟ هتدينا اتنين. بيساوي … الـ س زائد تلاتة لو طرحنا منها تلاتة، التلاتة دي هتروح مع التلاتة دي. يبقى هيتبقّى لي س بس. يبقى حل المعادلة هيكون س بيساوي اتنين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.