فيديو: خطوط التماثل في الهندسة المستوية

هل للشكل التالي خط تماثل؟

٠١:٥٣

‏نسخة الفيديو النصية

هل للشكل التالي خط تماثل؟

عندنا الشكل اللي قدامنا ده، وعاوزين نعرف هل هو له خط تماثل ولا لأ. خط التماثل هو خط بيقسم الشكل لنصين زي بعض بالظبط. نصين متطابقين. فهنشوف الشكل اللي قدامنا ده ونحاول نقسمه. ونشوف لمّا نقسمه هل هيتقسم لنصين متطابقين ولا لأ؟ لو اتقسم لنصين قَدّ بعض وزي بعض بالظبط، يبقى له خط تماثل. وخط التماثل هيكون هو الخط اللي إحنا قسمنا بيه. ولو ما اتقسمش لنصين متساويين، يبقى مالهوش خط تماثل.

تعالوا كده ونجرب نقسمه بالشكل ده. لمّا قسمناه بالشكل ده ما اتقسمش لنصين قَدّ بعض؛ لأن الجزء اللي فوق ده مش زي الجزء اللي تحت ده. فيه بينهم اختلاف. يبقى اللي إحنا رسمناه ده مش خط تماثُل. طيب ما تيجوا كده نحاول نقسمه بشكل تاني. هنقسمه بالشكل ده. لمّا قسمناه كده لقينا إنه قسَم الشكل لجزئين متساويين. الجزء ده زي الجزء ده، زيه بالظبط في كل حاجة. أهو، الجزء ده كده زي الجزء ده كده بالظبط. طيب ده معناه إيه؟ ده معناه إن الخط ده اللي إحنا رسمناه هو خط تماثل.

طيب، لو جينا بقى نبص على السؤال: «هل للشكل التالي خط تماثل؟». اللي إحنا عملناه ده خط تماثل. فالإجابة تكون إيه؟ نعم، الشكل اللي قدامنا ده له خط تماثل. وتبقى الإجابة اللي نختارها أو نكتبها هي نعم.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.