فيديو: جمع كسرين جبريين بواسطة إيجاد مقامهما المشترك

إذا كان ﺃ/ﺏ، ﺟ/د كسرين جبريين، فاكتب ﺃ/ﺏ + ﺟ/د في صورة ﺱ/ﺹ.

٠٢:٢٠

‏نسخة الفيديو النصية

إذا كان أ على ب، وَ ج على د، كسرين جبريّين. فاكتب أ على ب، زائد ج على د، في صورة: س على ص.

معنى كتابة مجموع الكسرين أ على ب، وَ ج على د، في صورة س على ص. يعني مطلوب توحيد المقامات. أول حاجة هنكتب مجموع الكسرين مرة أخرى. يبقى أ على ب، زائد ج على د. بنَجِد إن مقام الكسر الأول ب، ومقام الكسر التاني د. مطلوب إيجاد الـ م م أ، أو المقام المشترك الأصغر للكسرين؛ عشان نقدر نوحّد المقامات.

ولأن ما فيش عوامل مشتركة بين المقامين ب وَ د. فبنلاقي إن الـ م م أ، أو المقام المشترك الأصغر، هيكون عبارة عن حاصل ضربهما. يبقى الـ م م أ، هيساوي ب في د. إذن مجموع الكسرين هيساوي أ على ب، زائد ج على د.

عشان يكون مقام الكسر الأول ب د، فمحتاجين نضرب المقام في د. وزيّ ما هنضرب المقام، هنضرب أيضًا البسط. يبقى بنضرب البسط في د، والمقام في د. والكسر التاني عبارة عن ج على د، محتاجين يكون مقامه عبارة عن ب د؛ الـ م م أ. فهنضرب المقام في ب، وهنضرب أيضًا البسط في ب. يبقى ب على ب.

إذن مجموع الكسرين هيكون عبارة عن أ د على ب د، زائد ب ج على ب د. نلاحظ هنا إن حصل إبدال؛ وده لأن الضرب إبدالي. ج في ب، هي هي ب ج. و د في ب، هي هي ب في د.

بعد ما تمّ توحيد المقامات، دلوقتي نقدر نجمع بسطَي الكسرين. يبقى المقام المشترك هيكون عبارة عن ب د. والبسط هيكون عبارة عن أ د زائد ب ج. وبكده يبقى قدرنا نكتب أ ب زائد ج د، في صورة: س على ص. وكانت النتيجة عبارة عن أ د زائد ب ج، على ب د.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.