فيديو: امتحان الفيزياء • ٢٠١٧/٢٠١٦ • السؤال الثالث والأربعون أ

امتحان الفيزياء • ٢٠١٧/٢٠١٦ • السؤال الثالث والأربعون أ

٠١:١٢

‏نسخة الفيديو النصية

متى يكون الخَرْج في كلٍّ من البوابتين المنطقتين الآتيتين صفرًا.

وموضَّح بوابتين منطقيتين. بوابة NOT، وبوابة AND. بالنسبة لبوابة NOT، فالخَرْج بيبقى عكس الدَّخْل. ولو كتبنا جدول التحقق لبوابة NOT، هنلاقي إن في حالة إن الدَّخْل بصفر، الخَرْج بيبقى بواحد. ولمّا يكون الدَّخْل بواحد، الخَرْج بيبقى بصفر. فعلشان نخلّي الخَرْج بصفر في بوابه NOT، محتاجين نخلّي الدَّخْل 𝐴، بواحد.

أمّا بالنسبة لبوابة AND، فالخَرْج الحالة الوحيدة اللي بيبقى فيها بواحد، إن المَدخلين يبقوا بواحد. يعني لو رسمنا جدول التحقق لبوابة AND، هنلاقي إن في حالة إن المَدخلين بصفر، الخَرْج بيبقى بصفر. وفي حالة إن 𝐴 بصفر وَ 𝐵 بواحد، الخَرْج بيبقى برضو بصفر. ولو عكسنا المَدخلين، يعني 𝐴 بواحد وَ 𝐵 بصفر، الخَرْج برضو بيبقى بصفر. والحالة الوحيدة اللي فيها الخَرْج بواحد، لمّا يكون المَدخلين 𝐴 وَ 𝐵، بواحد.

فده معناه إن في تلات حالات ممكن يبقى فيهم الخَرْج بصفر من بوابة AND. أولهم إن 𝐴 وَ 𝐵 بصفر. أو إن 𝐴 بصفر وَ 𝐵 بواحد. أو إن 𝐴 بواحد وَ 𝐵 بصفر. وبكده نبقى عرفنا تلات حالات، بيكون عندها خَرْج بوابة AND بصفر. وحالة واحدة بيكون عندها خَرْج بوابة NOT بصفر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.