فيديو: إيجاد قيمة المقادير الجبرية التي تتضمن القيمة المطلقة

احسب |−٨| ÷ ٤ × |٣|.

٠١:١١

‏نسخة الفيديو النصية

احسب القيمة المطلقة لسالب تمنية، على أربعة، في القيمة المطلقة لتلاتة. يعني معطى عندنا المقدار ده، وعايزين نوجد قيمته.

وفي الأول خلينا نفتكر إن القيمة المطلقة للعدد، هي المسافة اللي بيبعدها العدد عن الصفر على خط الأعداد. واللي معناها إن القيمة المطلقة لعدد هي قيمة العدد دون النظر إلى إشارته. فبالتالي هتبقى القيمة المطلقة لسالب تمنية هي تمنية؛ لأن هي دي قيمته بغض النظر عن إشارته. وبنفس الطريقة هتبقى القيمة المطلقة للعدد تلاتة هي تلاتة.

فبالتالي هيبقى المقدار عندنا بيساوي تمنية على أربعة في تلاتة. فهنلاحظ إن عندنا عملية قسمة وعملية ضرب. وخلينا نفتكر إن من ترتيب العمليات عمليات الضرب والقسمة بيبقى ليهم نفس الترتيب؛ فمعنى كده إننا هنحسب عادي قيمة المقدار من اليمين للشمال. يعني أول حاجة هنحسب تمنية على أربعة. فلمّا نقسمها هيبقى الناتج هو اتنين. فبالتالي هيبقى المقدار اتنين في تلاتة. بعد كده هنوجد حاصل ضرب اتنين في تلاتة. فلمّا نحسبها هتبقى بتساوي ستة. وبالتالي هتبقى قيمة المقدار هي ستة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.