فيديو: مجموع جذرين والفرق بينهما

بسِّط جذر (١٢) − ٢ جذر (٣) + ٤ جذر (٢٧).

٠١:٤٩

‏نسخة الفيديو النصية

بسّط: جذر اتناشر، ناقص اتنين جذر تلاتة، زائد أربعة جذر سبعة وعشرين.

عايزين نبسّط: جذر اتناشر، ناقص اتنين جذر تلاتة، زائد أربعة جذر سبعة وعشرين.

علشان نبسّط جذر اتناشر، هندوّر إيه من عوامل اتناشر ممكن يكون مربع كامل. اتناشر هي عبارة عن أربعة في تلاتة. أربعة عدد مربع كامل. يبقى نبسّط اتناشر، ونخلّيها عبارة عن أربعة في تلاتة.

وبالمثل سبعة وعشرين هي عبارة عن تسعة في تلاتة. تسعة عدد مربع كامل. يبقى نعوّض عن اتناشر إن هي أربعة في تلاتة. وسبعة وعشرين بتساوي تسعة في تلاتة.

جذر أ ب بيساوي جذر أ مضروب في جذر ب. يعني جذر أربعة في تلاتة؛ هيساوي جذر أربعة، في جذر تلاتة. ناقص اتنين جذر تلاتة. زائد أربعة في، جذر تسعة في تلاتة؛ واللي هي جذر تسعة، في جذر تلاتة.

جذر أربعة بيساوي اتنين. اتنين في جذر تلاتة؛ يعني اتنين جذر تلاتة. ناقص اتنين جذر تلاتة زيّ ما هي. زائد أربعة في جذر تسعة. جذر تسعة بيساوي تلاتة. يبقى أربعة في تلاتة، مضروبة في جذر تلاتة.

أربعة في تلاتة بيساوي اتناشر. اتناشر في جذر تلاتة بيساوي اتناشر جذر تلاتة. اتنين جذر تلاتة، ناقص اتنين جذر تلاتة، زائد اتناشر جذر تلاتة؛ بيساوي صفر زائد اتناشر جذر تلاتة. لأن اتنين جذر تلاتة ناقص اتنين جذر تلاتة بيساوي صفر. صفر زائد اتناشر جذر تلاتة بيساوي اتناشر جذر تلاتة.

وهتبقى قيمة المقدار بعد تبسيطه هي: اتناشر جذر تلاتة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.