فيديو: استخدام أُطُر العشرة لإيجاد الأعداد من ١١ إلى ١٩

ما الصورة التي توضِّح العدد ١٥؟ [أ] شكل أ [ب] شكل ب [ج] شكل ﺟ

٠٢:٠٨

‏نسخة الفيديو النصية

ما الصورة التي توضّح العدد خمستاشر؟ هل هي الصورة الأولى دي، ولّا التانية، ولّا التالتة؟

هنشوف كل صورة بتوضّح عدد إيه. الصورة الأولى اللي عندنا هنا فيها إطار العشرة ده مليان؛ لأن كله فيه دواير: واحد، اتنين، تلاتة، أربعة، خمسة، ستة، سبعة، تمنية، تسعة، عشرة؛ يبقى الإطار ده فيه عشر دواير. طب والإطار التاني؟ واحد، اتنين، تلاتة، أربعة؛ فيه أربعة. يعني إيه إطار مليان فيه عشر دواير وإطار فيه أربعة بس؟ معناه إن الآحاد فيها أربعة، والعشرات فيها واحد؛ لأنها عشرة واحدة، فمعنى كده إن الصورة اللي قدامنا دي اللي بيوضّحها عدد أربعتاشر، وإحنا عاوزين صورة بتوضّح العدد خمستاشر، يبقى مش هي دي الإجابة الصح.

نشوف الصورة اللي بعدها، فيها برضو إطار العشرة ده مليان، فده معناه إن هو عشرة، يعني واحد في العشرات. طب وبالنسبة للإطار التاني؟ تعالوا نعدّ فيه كام دايرة؛ واحد، اتنين، تلاتة، أربعة، خمسة، ستة، سبعة؛ فيه سبعة، فده معناه إن إيه؟ سبعة في الآحاد وواحد في العشرات، يعني الصورة دي أو الأُطُر دي بتوضّح لنا العدد سبعتاشر، فبرضو مش هي الإجابة الصح.

تعالوا نشوف الصورة اللي بعدها؛ الصورة اللي بعدها فيها الإطار الأول ده عشرة كاملة، يعني واحد في العشرات، والإطار التاني مش كامل، فنعدّ الدواير اللي فيه؛ واحد، اتنين، تلاتة، أربعة، خمسة؛ خمسة في الآحاد، معنى كده إن الصورة التالتة دي هي اللي بتوضّح لنا العدد خمستاشر، وهو ده اللي موجود في السؤال واللي إحنا بندوّر عليه. تبقى الصورة دي هي الإجابة الصح اللي إحنا المفروض نختارها.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.