فيديو: جمع عددين حتى ٩٩٩

اشترى مُستثمِر قطعة أرض مساحتها ٤٥٦ فدانًا، واشترى آخَر قطعة من ١٥٤ فدانًا. أوجد المجموع الكلي لقطعتَي الأرض اللتين اشتراهما المستثمران.

٠٢:٠٠

‏نسخة الفيديو النصية

اشترى مُستثمِر قطعة أرض مساحتها ربعمية ستة وخمسين فدانًا. واشترى آخَر قطعة من مية أربعة وخمسين فدانًا. أوجد المجموع الكلي لقطعتَي الأرض، اللتين اشتراهما المستثمران.

عندنا اتنين مستثمرين. واحد اشترى ربعمية ستة وخمسين فدان. والتاني اشترى مية أربعة وخمسين فدان. عاوزين نعرف الاتنين مع بعض اشتروا أرض قد إيه. فنبدأ نجمعهم. نجمع ربعمية ستة وخمسين زائد مية أربعة وخمسين.

أول حاجة هنجمعها الآحاد زائد الآحاد. ستة زائد أربعة. هنحطّ الستة في دماغنا، والأربعة على إيدينا، ونعدّ بعد الستة: سبعة، تمنية، تسعة، عشرة. يبقى ستة زائد أربعة، عشرة. صفر تحت الآحاد، وواحد فوق العشرات.

بعدين هنجمع العشرات. واحد زائد خمسة زائد خمسة. واحد زائد خمسة، ستة. ستة زائد خمسة؛ نحطّ الستة في مخنا، والخمسة على إيدينا. ونعدّ بعد الستة: سبعة، تمنية، تسعة، عشرة، حداشر. حداشر دي إيه؟ واحد تحت العشرات، وواحد فوق المئات؛ لأن الحداشر واحد وواحد.

ودلوقتي هنجمع المئات. واحد زائد أربعة زائد واحد. واحد زائد أربعة، خمسة. خمسة وواحد، ستة. يبقى هنا الناتج ستة.

وده معناه إن مجموع ربعمية ستة وخمسين زائد مية أربعة وخمسين، هو ستمية وعشرة. ومن هنا نقدر نجاوب على السؤال، ونقول إنه قطعتين الأرض اللي المستثمرين اشتروهم، الاتنين على بعض مجموعهم ستمية وعشرة فدادين. هي دي الإجابة اللي إحنا المفروض نقولها.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.