فيديو: تحويل الملليلترات إلى لترات

أكمل الفراغ: ٥٧١ ملل = _ ل.

٠١:٢١

‏نسخة الفيديو النصية

أكمل الفراغ: خمسمية واحد وسبعين ملليلتر يساوي، نقط، لتر.

يعني معطى عندنا مقدار بالملليلتر. وعايزين نحوّله إلى لتر. وخلّينا في الأول نفتكر إن واحد لتر بيساوي ألف ملليلتر. فمعنى كده إننا لو عايزين نحوّل من لتر إلى ملليلتر، فبنضرب المقدار اللي معطى عندنا في ألف. وأمَّا لو عندنا مقدار معطى بالملليلتر، وعايزين نحوّله إلى لتر، فبنقسم المقدار على ألف.

فبالتالي بما إن اللي معطى عندنا في السؤال مقدار بالملليلتر، واللي هو خمسمية واحد وسبعين ملليلتر. فعلشان نشوف المقدار ده بيساوي قدّ إيه باللتر، يبقى هنقسم المقدار اللي عندنا على ألف. فلمّا نقسم خمسمية واحد وسبعين على ألف، فهنعتبر إن فيه هنا علامة عشرية، وهنا صفر. وبعد كده علشان نقسم، فهنحرّك العلامة العشرية تلات أماكن جهة اليسار. يعني هنحطّ العلامة العشرية هنا. فبالتالي هيبقى الناتج هو خمسمية واحد وسبعين من ألف. وفي الحالة دي، هتبقى الوحدة لتر. وبنرمز لها بالرمز ل.

فبالتالي هنكتب مكان النقط: خمسمية واحد وسبعين من ألف. وهتبقى هي دي إجابة السؤال.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.