فيديو: إيجاد مُعدَّل التسرُّب في الدقيقة بمعلومية الكمية المُتسرِّبة خلال ساعات

إذا تسربت المياه من صنبور بمعدل ٧٨٠‎٠ لتر في كل ٥ ساعات، فأوجد معدل التسرب في الدقيقة.

٠٢:١٩

‏نسخة الفيديو النصية

إذا تسرّبت المياه من صنبور بمعدل سبع آلاف وتمنمية لتر في كل خمس ساعات، فأوجد معدل التسرب في الدقيقة.

يعني معطى عندنا معدل تسرب المياه، واللي هو سبع آلاف وتمنمية لتر في كل خمس ساعات. والمطلوب إننا نوجد معدل التسرب في الدقيقة الواحدة. فأول خطوة عايزين نعملها إننا نحوّل الساعات إلى دقايق.

وبما إن معطى عندنا خمس ساعات، فعلشان نحوّلها لدقايق فخلّينا في الأول نفتكر إن الساعة الواحدة بتساوي ستين دقيقة. فبالتالي علشان نحوّل الساعات إلى دقائق، يبقى هنضرب الخمس ساعات اللي عندنا في ستين. فلمّا نحسب خمسة في ستين هتبقى بتساوي تلتمية. وفي الحالة دي هتبقى الوحدة بالدقيقة.

فمعنى كده إن معدل التسرب للصنبور هو سبع آلاف وتمنمية لتر في كل خمس ساعات، واللي هي تلتمية دقيقة. يعني معدل التسرب بيساوي عدد اللترات مقسوم على عدد الدقايق.

وبما إن معطى عندنا إن عدد اللترات بيساوي سبعة آلاف وتمنمية. فهيبقى عندنا سبعة آلاف وتمنمية على عدد الدقايق، واللي إحنا أوجدناه بتلتمية. فبالتالي هيبقى معدل التسرب بيساوي سبع آلاف وتمنمية على تلتمية. فمعنى كده إن الصنبور بيسرّب مياه بمعدل سبع آلاف وتمنمية لتر في كل تلتمية دقيقة.

لكن المطلوب منّنا في السؤال إننا نوجد معدل التسرب في الدقيقة الواحدة. فعشان نوجد معدل التسرب في الدقيقة الواحدة يبقى عايزين نخلّي التلتمية، اللي هنا في المقام، تبقى واحد. وبالتالي هنقسم سبع آلاف وتمنمية على تلتمية، فلمّا نحسبها هتبقى بتساوي ستة وعشرين.

فبالتالي لمّا نيجي نشوف العدد ستة وعشرين ده معناه إيه. معناه إن الصنبور بيسرّب مياه بمعدل ستة وعشرين لتر في الدقيقة الواحدة. فبالتالي هنكتبها ستة وعشرين لتر في الدقيقة الواحدة. وهيبقى هو ده معدل التسرب في الدقيقة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.