فيديو: إيجاد العامل المشترك الأكبر في المواقف الحياتية

ينظم السيد/ فادي مجموعة من أسطوانات الفونوغراف داخل صناديق على حسب نوع الموسيقى. إذا أراد أن يضع في كل صندوق عددًا متساويًا من الأسطوانات دون خلط لأنواع الموسيقى، فأوجد أكبر عدد من أسطوانات الفونوغراف يمكن وضعه في صندوق واحد، وعدد الصناديق المطلوبة.

٠٣:١٠

‏نسخة الفيديو النصية

ينظم السيد فادي مجموعة من أسطوانات الفونوغراف داخل صناديق على حسب نوع الموسيقى، إذا أراد أن يضع في كل صندوق عددًا متساويًا من الأسطوانات دون خلط لأنواع الموسيقى. فأوجد أكبر عدد من أسطوانات الفونوغراف يمكن وضعه في صندوق واحد، وعدد الصناديق المطلوبة.

بما إن السيد فادي عاوز يضع في كل صندوق عدد متساوي من الأسطوانات، فعشان نعرف إيه العدد ده، محتاجين نعرف العامل المشترك الأكبر بين عدد الأسطوانات في أنواع الموسيقى المختلفة، فعدد أسطوانات الروك بيساوي سبعين، اللي بتساوي عشرة في سبعة، فممكن نقول إن عشرة بتساوي اتنين في خمسة؛ فده هيساوي اتنين في خمسة في سبعة. كده نبقى حلّلنا العدد سبعين لعوامله الأولية، نكرر نفس العملية مع أسطوانات البوب وأسطوانات الجاز.

بعد كده نكتب عوامل الأعداد التلاتة، بحيث تكون العوامل المتشابهة تحت بعضها بالصورة دي، والعامل المشترك الأكبر هيكون حاصل ضرب العوامل المكرّرة في الأعداد التلاتة، فهنلاحظ إن العامل المكرر الوحيد في الأعداد التلاتة هو خمسة؛ يبقى العامل المشترك الأكبر هو خمسة، وده معناه إن أكبر عدد من الأسطوانات يمكن وضعه في صندوق واحد هيساوي خمسة أسطوانات.

أما بالنسبة لعدد الصناديق المطلوبة فده هيساوي مجموع الأسطوانات اللي هو سبعين زائد خمسة وتسعين زائد مية، مقسوم على خمسة اللي هو عدد الأسطوانات في الصندوق الواحد؛ فده هيساوي ميتين وخمسة وستين على خمسة، فهنستخدم القسمة المطوّلة؛ فنقسم أول رقم من اليسار في المقسوم على المقسوم عليه، فاتنين على خمسة هيبقى أقرب ناتج ليها هو صفر، بعدين نضرب صفر في خمسة هيساوي صفر، بعدين نطرح اتنين ناقص صفر هيساوي اتنين؛ بعدين ننزّل الستة ونكمّل، فنقسم ستة وعشرين على خمسة، فأقرب ناتج هيكون خمسة، بعدين نضرب الخمسة في الخمسة فهيبقى الناتج خمسة وعشرين، بعدين نطرح فهيبقى ستة وعشرين ناقص خمسة وعشرين هيساوي واحد؛ بعدين ننزّل الخمسة ونكمّل، بعدين نكمّل ونقسم خمستاشر على خمسة، فهيكون الناتج هو تلاتة، فنضرب تلاتة في خمسة فهيبقى الناتج بيساوي خمستاشر، بعدين نطرح خمستاشر ناقص خمستاشر هيساوي صفر؛ يبقى عدد الصناديق المطلوبة هيساوي تلاتة وخمسين صندوق.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.