فيديو: فَهْم القيمة المكانية عند جمع عددين صحيحين

١٩ ألفًا + ٧ عشرات = _. [أ] ١٩٠٧٠ [ب] ١٩٧٠٠ [ج] ١٩٠٠٧ [د] ٧٠١٩ [ﻫ] ٢٦٠٠٠

٠١:٣٨

‏نسخة الفيديو النصية

تسعة عشر ألفًا زائد سبع عشرات، يا ترى بيساوي أنهي عدد من الأعداد الموجودة في الاختيارات دي.

لأننا عارفين إنه أيّ عدد مكوّن من كذا خانة، فهنبدأ نكتبهم من اليمين. أول خانة اسمها خانة الآحاد، ثم خانة العشرات، ثم خانة المئات، وبعدين خانة الألوف. هنبدأ دلوقتي نحوّل كلمة تسعتاشر ألف لأرقام. تسعتاشر جنبها كلمة ألف، فهنكتب التسعتاشر في خانة الألوف، وباقي الخانات هنكتب فيها أصفار.

وكمان كلمة سبع عشرات، لو حبّينا نحوّلها لأرقام هنكتب سبعة في خانة العشرات؛ عشان سبعة جنبها كلمة عشرات، وباقي الخانات أصفار. وعلامة زائد دي معناها إننا هنجمع. فهنجمع الأرقام اللي إحنا كتبناها دي. الأرقام الموجودة في خانة الآحاد مع بعضها، والعشرات مع بعضها، وهكذا.

في خانة الآحاد، عندنا صفر زائد صفر هيساوي صفر. وفي خانة العشرات، عندنا صفر زائد سبعة هيساوي سبعة. وفي خانة المئات، الصفر هينزل. أمّا خانة الألوف ما فيش غير التسعتاشر، فهتنزل تسعتاشر.

وبكده هيكون حاصل جمع تسعتاشر ألف زائد سبع عشرات هو العدد تسعتاشر ألف وسبعين. وهي دي الإجابة الموجودة في الاختيار الأول.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.