فيديو: مقارنة عددين كبيرين في الصيغة اللفظية والعددية

غادة عليوة

٤ مليارات و٦٥٣ مليونًا و١٦٠ ألفًا< أو = أو >٤‎٦٥٣‎١٥٦‎٠٠٠.

٠٢:٠٩

‏نسخة الفيديو النصية

أربع مليارات وستمية تلاتة وخمسين مليونًا ومية وستين ألفًا، أصغر من، أو يساوي، أو أكبر من أربعة مليار ستمية تلاتة وخمسين مليون مية ستة وخمسين ألف؟

دلوقتي هنستخدم جدول القيم المكانية عشان نقارن بين العددين اللي موجودين عندنا دول. خلينا نبدأ بأول عدد؛ عندنا أربع مليارات، هنروح لقسم المليارات ونحطّ العدد، عفوًا الرقم أربعة في خانة المليارات. وبعدين نروح لقسم الملايين، هنلاقي إنه مفروض نحطّ ستمية تلاتة وخمسين مليون، هنحطهم ستمية تلاتة وخمسين في قسم الملايين. وبعدين نروح لقسم الألوف، هنلاقي إن عندنا مية وستين ألف، هنحطهم بالشكل ده. وبعدين انتهى العدد اللي عندنا لغاية كده، ده معناه إن قسم الآحاد أو الوحدات هيبقى عبارة عن مجموعة أصفار.

وبعدين هنكتب العدد التاني اللي عندنا، هنحطّ كل رقم من الأرقام اللي بيتكوّن منها في الخانة المكانية المناسبة، ونبتدي نقارن الأرقام اللي في كل خانة من الخانات المكانية، وبنبتدي من أكبر خانة مكانية. هنلاحظ إن العدد الأول والعدد التاني متّفقين في الأرقام اللي موجودة في الخانات المكانية لغاية دلوقتي، العدد الأول والعدد التاني الأرقام اللي بتتكوّن منها متّفقة لغاية خانة مئات الألوف.

لمّا نوصل لخانة عشرات الألوف، هنلاقي إن العدد الأول فيه الرقم ستة في خانة عشرات الألوف، والتاني فيه الرقم خمسة في خانة عشرات الألوف. وبما إن ستة أكبر من خمسة، فده معناه إن العدد الأول أكبر من العدد التاني؛ يبقى الإجابة السليمة هي علامة أكبر من.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.