فيديو: إيجاد المنوال لمجموعة بيانات

أوجد المنوال للأعداد ٧، ١، ٧، ١، ١، ٩، ٦، ١، ٦، ١.

٠١:١٥

‏نسخة الفيديو النصية

أوجد المنوال لتلك الأعداد.

هنكتب مجموعة الأعداد اللي عندنا ونفتكر دلوقتي إيه هو المنوال. المنوال لمجموعة من البيانات بيبقى العدد اللي بيتكرر أكتر من الباقيين في المجموعة، يعني العدد صاحب أكتر مرات تكرار. خلينا نشوف الأعداد اللي عندنا وعدد مرات تكرار كل واحد فيهم. عندنا العدد سبعة، هنشوفه اتكرر كام مرة؛ دي مرة، اتنين؛ ظهر مرتين بس؛ يبقى مرات التكرار اتنين. العدد اللي بعد كده هو العدد واحد، هنعدّ مع بعض؛ واحد، اتنين، تلاتة، أربعة، خمسة؛ يبقى العدد واحد ظهر خمس مرات.

العدد اللي بعد كده هو العدد تسعة، هنشوفه ظهر كام مرة، تسعة ظهر مرة واحدة بس. آخر عدد موجود في الأعداد اللي عندنا هو العدد ستة، وهنلاقي إنه ظهر مرتين.

لو قارنّا عدد مرات تكرار كل الأعداد اللي عندنا، هنلاقي إن العدد واحد صاحب أكتر مرات تكرار، اتكرر خمس مرات؛ فيبقى المنوال اللي مطلوب هو واحد.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.