فيديو: عد الأعداد حتى ٩ باستخدام العناصر

أيٌّ من الكلمات التالية تحتوي على ٤ أحرف؟ [أ] تلميذة [ب] طاولة [ج] قطة [د] خمسة

٠٢:٣٩

‏نسخة الفيديو النصية

أيٌّ من الكلمات التالية تحتوي على أربع أحرف؟

عندنا مجموعة كلمات، زي: تلميذة، وطاولة، وقطة، وخمسة. عاوزين نعرف أي كلمة من الأربع كلمات دول بتتكوّن من أربع حروف. فهناخد كلمة كلمة، ونعدّ الحروف اللي فيها.

نبدأ بكلمة تلميذة، ونكتبها هنا، ونعدّ الحروف بتاعتها، بتتكوّن من حروف إيه؟ ت، بعدين ل، بعدين م، بعدين ي، بعدين ذ، بعدين تاء مربوطة. يلّا نعدّهم: واحد، اتنين، تلاتة، أربعة، خمسة، ستة؛ يبقى كلمة تلميذة تَتكوّن من ست أحرف، أو من ست حروف، وإحنا الكلمة اللي عاوزينها، عاوزينها تحتوي على أربع حروف، يبقى مش هي دي الإجابة الصح.

نشوف الكلمة اللي بعدها: طاولة. طاولة اللي هي الترابيزة، يلّا حروف الطاولة إيه؟ ط، بعدين أ، بعدين و، بعدين ل، بعدين تاء مربوطة. كام حرف دول؟ واحد، اتنين، تلاتة، أربعة، خمسة؛ يبقى طاولة فيها خمس حروف برضو، مش هي الإجابة الصح، الإجابة اللي إحنا عاوزينها كلمة يكون فيها أربع حروف.

نشوف الكلمة اللي بعدها: قطة. اللي هي القطة، القطة حروفها إيه؟ ق، بعدين ط، بعدين تاء مربوطة. دول كام حرف؟ واحد، اتنين، تلاتة؛ يبقى القطة فيها تلات حروف، برضو مش هي الإجابة الصح.

نيجي لآخر كلمة، وهي كلمة: خمسة. خمسة بتتكوّن من إيه؟ خ، وَ م، وَ س، وتاء مربوطة. دول كام حرف؟ واحد، اتنين، تلاتة، أربعة؛ يبقى خمسة بتتكوّن من أربع أحرف، وهي دي الإجابة اللي إحنا عاوزينها، والكلمة اللي بتتكوّن من أربع حروف؛ يبقى الإجابة الصح هي كلمة: خمسة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.