تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: كتابة معادلة أسية من جدول القيم

أحمد لطفي

اكتب المعادلة الأسية في الصورة ﺹ = ﺃ(ﺏ^ﺱ) لكل الأعداد الموجودة بالجدول.

٠٢:٠٩

‏نسخة الفيديو النصية

اكتب المعادلة الأُسية في الصورة: ص بتساوي أ مضروبة في ب أُس س لكل الأعداد الموجودة بالجدول، ومُعطى جدول به قيم لـ س وَ ص.

أول خطوة عشان نقدر نكتب المعادلة الأُسية، هنعوّض بقِيم س وَ ص بداخل المعادلة؛ عشان نقدر نوجد قيمتَي أ وَ ب.

في البداية، لو هنعوّض عن س بواحد وَ ص بأربعة وعشرين، فهيكون عندنا أربعة وعشرين هتساوي أ مضروبة في ب أُس واحد، ودي هتعتبر أول معادلة.

ولو هنعوّض عن س بأربعة وَ ص بسالب تلاتة، فهيكون عندنا سالب تلاتة هتساوي أ مضروبة في ب أُس أربعة، ودي هتعتبر تاني معادلة.

وبقسمة اتنين على واحد؛ فهيكون عندنا سالب تلاتة على أربعة وعشرين هيساوي أ في ب أُس أربعة على أ في ب أُس واحد؛ سالب تلاتة على أربعة وعشرين هيساوي سالب واحد على تمنية، هيساوي … هنقدر نختصر أ مع أ، وَ ب أُس أربعة على ب، هيساوي ب أُس تلاتة؛ وبالتالي بأخذ الجذر التكعيبي للطرفين، هيكون عندنا ب هتساوي سالب واحد عَ الاتنين.

ويبقى كده قِدِرنا نوجد قيمة ب. لو عايزين نوجد قيمة أ فهنعوّض في المعادلة الأولى عن ب بسالب واحد عَ الاتنين، فهيكون عندنا أربعة وعشرين بتساوي أ مضروبة في سالب واحد عَ الاتنين، فهنضرب الطرفين في سالب اتنين، فهيكون عندنا أ هتساوي سالب تمنية وأربعين.

وبالتالي لو عايزين نكتب المعادلة الأُسية، فالمعادلة الأُسية هتكون ص بتساوي … هنعوّض عن أ بسالب تمنية وأربعين مضروب في … هنعوّض عن ب بسالب واحد عَ الاتنين أُس س.