فيديو: حساب الكسور الجبرية التي تتضمَّن أعدادًا عشرية

إذا كان ﻡ = ٢١٫٤، ﻝ = ٢٣٫٤، ﻥ = ٩، فاحسب (ﻡ + ﻥ + ﻝ)/ﻝ لأقرب جزء من عشرة.

٠١:٣٠

‏نسخة الفيديو النصية

إذا كان م يساوي واحد وعشرين وأربعة من عشرة، وَ ل يساوي تلاتة وعشرين وأربعة من عشرة، وَ ن يساوي تسعة، فاحسب م زائد ن زائد ل، على ل، لأقرب جزء من عشرة.

يعني معطى عندنا المقدار ده، والمطلوب إننا نحسب قيمته. ومعطى عندنا إن قيمة م واحد وعشرين وأربعة من عشرة، وَ ل تساوي تلاتة وعشرين وأربعة من عشرة، وقيمة ن هي تسعة. فلمّا نعوّض عن م وَ ن وَ ل بقيمهم المعطاة في السؤال، هيبقى المقدار بيساوي واحد وعشرين وأربعة من عشرة، زائد تسعة، زائد تلاتة وعشرين وأربعة من عشرة، الكل مقسوم على تلاتة وعشرين وأربعة من عشرة.

بعد كده هنجمع الأعداد اللي في البسط. يعني هنجمع واحد وعشرين وأربعة من عشرة، زائد تسعة، زائد تلاتة وعشرين وأربعة من عشرة. فلمّا نحسبها، هيبقى بيساوي تلاتة وخمسين وتمنية من عشرة. وأمّا المقام، فهيفضل زي ما هو تلاتة وعشرين وأربعة من عشرة. فيبقى المقدار عندنا تلاتة وخمسين وتمنية من عشرة على تلاتة وعشرين وأربعة من عشرة.

فلمّا نقسم البسط تلاتة وخمسين وتمنية من عشرة على المقام تلاتة وعشرين وأربعة من عشرة، هيبقى الناتج بيساوي اتنين وألفين تسعمية واحد وتسعين من عشر آلاف. لكن المطلوب عندنا في السؤال، إننا نحسب قيمة المقدار لأقرب جزء من عشرة. فلمّا نقرب الناتج اللي عندنا لأقرب جزء من عشرة، هيبقى تقريبًا بيساوي اتنين وتلاتة من عشرة. وهتبقى هي دي قيمة المقدار.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.