فيديو: حل المتباينات الخطية

حُلَّ المتباينة الآتية: ن/٥ + ١< ٦.

٠١:٤٣

‏نسخة الفيديو النصية

حل المتباينة الآتية: ن على خمسة زائد واحد أقل من ستة.

معنى حَل المتباينة، يعني بنوجد جميع قيم المتغير ن، اللي بتحقق هذه المتباينة. أول حاجة هنكتب المتباينة مرة أخرى. بعد كده هنحاول نعزل المتغير ن في طرف. وده هيتم كالتالي: طرح واحد من الطرفين. يبقى الطرف اليمين هيكون عبارة عن ن على خمسة زائد واحد ناقص واحد أقل من ستة ناقص واحد. بنلاقي إن واحد ناقص واحد بيكون الناتج صفر، يبقى الطرف اليمين ن على خمسة أقل من خمسة.

بعد كده هنضرب الطرفين في خمسة. ولأن خمسة عدد موجب، فبالتالي لمّا نضرب الطرفين في خمسة، مش هيأثّر أو هيغير من علامة المتباينة. يبقى خمسة في ن على خمسة أقل من خمسة في خمسة. بنلاقي إن فيه عامل مشترك أكبر بين البسط والمقام، وهو خمسة. فبنقسم البسط على خمسة، والمقام على خمسة. وبيكون الناتج بواحد. يبقى ن أقل من خمسة في خمسة. يبقى ن أقل من خمسة وعشرين.

وبكده يبقى حل هذه المتباينة هو جميع قيم ن التي أقل من خمسة وعشرين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.