تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد قيمة مجهولة بحساب التباديل

أحمد لطفي

أوجد قيمة س التي تحقق المعادلة ل(^١٠٧)(_س) − ٥س (ل(^١٠٧)(_س − ١)) = ٠.

٠٣:٠٩

‏نسخة الفيديو النصية

أوجد قيمة س التي تحقق المعادلة مية وسبعة ل س، ناقص خمسة س مضروبة في مية وسبعة ل س ناقص واحد، بتساوي صفر.

أول حاجة هنفتكر لو عندنا ن ل ر، فممكن نكتبها في صورة مضروب ن، على مضروب ن ناقص ر، لكل ن أكبر من أو بتساوي ر؛ حيث ن بتنتمى إلى مجموعة الأعداد الصحيحة الموجبة، وَ ر بتنتمي إلى مجموعة الأعداد الصحيحة الموجبة.

وهنفتكر أيضًا إن لو عندنا مضروب ن، ممكن نكتبه في صورة ن في مضروب ن ناقص واحد، أو ممكن نكتبه في صورة ن في ن ناقص واحد في مضروب ن ناقص اتنين، وهكذا.

وبالتالي بالنسبة للمعادلة مية وسبعة ل س ناقص خمسة س مضروبة في مية وسبعة ل س ناقص واحد بتساوي صفر. أول خطوة هنجمع على الطرفين خمسة س مضروبة في مية وسبعة ل س ناقص واحد. فهيكون عندنا مية وسبعة ل س بتساوي خمسة س مضروبة في مية وسبعة ل س ناقص واحد.

أول حاجة مية وسبعة ل س هنكتبها في صورة مضروب مية وسبعة، على مضروب مية وسبعة ناقص س، هيساوي خمسة س في … مية وسبعة ل س ناقص واحد هنكتبها في صورة مضروب مية وسبعة، على مضروب مية وسبعة ناقص س ناقص سالب واحد اللي هي هتكون زائد واحد. فهيكون عندنا مية وسبعة ناقص س زائد واحد.

يعني هيكون عندنا مضروب مية وسبعة، على مضروب مية وسبعة ناقص س، هيساوي خمسة س في مضروب مية وسبعة، على مضروب مية وتمنية ناقص س. مضروب مية وتمنية ناقص س ممكن نكتبه في صورة مية وتمنية ناقص س، في مضروب مية وسبعة ناقص س.

وهنقسم الطرفين على مضروب مية وسبعة، فهيكون عندنا واحد على مضروب مية وسبعة ناقص س، بيساوي خمسة س مضروبة في واحد على مية وتمنية ناقص س في مضروب مية وسبعة ناقص س. هنضرب الطرفين في مضروب مية وسبعة ناقص س، فهيكون عندنا … فهيكون عندنا واحد بتساوي خمسة س مضروبة في واحد على مية وتمنية ناقص س.

هنضرب الطرفين في مية وتمنية ناقص س، فهيكون عندنا مية وتمنية ناقص س بيساوي خمسة س. هنجمع س عَ الطرفين، فهيكون عندنا مية وتمنية بيساوي ستة س. هنقسم الطرفين على ستة، فهيكون عندنا تمنتاشر بتساوي س. يبقى كده قدرنا نوجد قيمة س اللي بتحقق المعادلة وكانت قيمة س بتمنتاشر.