تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: كتابة معادلات الجمع الخطية ذات الخطوة الواحدة بمعلومية سياقات واقعية

أحمد لطفي

قضى صالح ٩٣ دقيقة في التمرين هذا الأسبوع. أيُّ المعادلات الآتية تُمثِّل عدد الدقائق التي قضاها صالح في تمارين البطن؟

٠١:٣٧

‏نسخة الفيديو النصية

قضى صالح تلاتة وتسعين دقيقة في التمرين هذا الأسبوع. أيّ المعادلات الآتية تمثل عدد الدقائق التي قضاها صالح في تمارين البطن؟ هنلاحظ إن قضى صالح تلاتة وتسعين دقيقة في التمرين هذا الأسبوع، والتمرين كان عبارة عن تمارين ضغط وتمارين بطن، مُعطى عندنا إن عدد الدقائق اللي قضاها في تمارين الضغط كانت تسعة وسبعين دقيقة، وعدد الدقائق اللي قضاها في تمارين البطن غير معلومة؛ وبالتالي هنرمز لها بالرمز م. ويبقى صالح هيقضي تسعة وسبعين دقيقة في تمارين الضغط، و م دقيقة في تمارين البطن؛ وبالتالي هيكون قضى تلاتة وتسعين دقيقة في التمرين هذا الأسبوع. يعني لو عايزين نعبّر عنها من خلال معادلة، فهنقول عدد الدقائق اللي قضاها صالح في تمارين الضغط اللي هي تسعة وسبعين، زائد عدد الدقائق اللي قضاها صالح في تمارين البطن اللي هي بنرمز لها بالرمز م، هيساوي إجمالي عدد الدقائق اللي قضاها صالح في التمرين هذا الأسبوع اللي هي تلاتة وتسعين.

وبالتالي لو عايزين نختار معادلة من المعادلات المعطاة اللي بتمثّل عدد الدقائق اللي قضاها صالح في تمارين البطن، فهتكون هي معادلة: م زائد تسعة وسبعين بيساوي تلاتة وتسعين، اللي هو عبارة عن مجموعة الدقايق اللي قضاها صالح في تمارين البطن، زائد مجموع الدقايق اللي قضاها صالح في تمارين الضغط، بيساوي مجموع الدقايق اللي قضاها صالح في التمرين هذا الأسبوع.