فيديو: امتحان الفزياء الدور الثاني للعام السابق • ٢٠١٨/٢٠١٧ • السؤال العاشر أ

امتحان الفزياء الدور الثاني للعام السابق • ٢٠١٨/٢٠١٧ • السؤال العاشر أ

٠١:٥٩

‏نسخة الفيديو النصية

كيف يمكن توصيل مجموعة 𝑛 من المقاومات الكهربية المختلفة، لتعطي مقاومة مكافئة قيمتها أقلّ من أصغر مقاومة في المجموعة?

عندنا مقاومات كهربية مختلفة عددهم 𝑛، وعايزين نعرف إزَّاي نوصَّلهم عشان تكون المقاومة المكافئة ليهم صغيَّرة جدًّا أقلّ من أصغر مقاومة في المجموعة. عندنا طريقتين لتوصيل المقاومات؛ توصيل على التوالي، وتوصيل على التوازي. في حالة التوصيل على التوالي، المقاومات هتكون متوصَّلة بالشكل ده. والمقاومة المكافئة، اللي هي 𝑅𝑠، هتساوي 𝑅 واحد زائد 𝑅 اتنين زائد 𝑅 تلاتة. وهكذا لحدّ 𝑅𝑛.

والقانون ده بيبيِّن إن كل ما بنزوِّد عدد المقاومات كل ما قيمة المقاومة المكافئة بتزيد. فلو كانت 𝑅 واحد هي أصغر مقاومة، فأكيد 𝑅𝑠 هتكون أكبر من 𝑅 واحد. إذن ما ينفعش نوصَّل المقاومات على التوالي. أمَّا حالة التوصيل على التوازي، المقاومات هتكون متوصَّلة بالشكل ده. والمقاومة المكافئة، اللي هي 𝑅𝑝، ممكن نوجدها من العلاقة اللي بتقول: واحد على 𝑅𝑝 بيساوي واحد على 𝑅 واحد، زائد واحد على 𝑅 اتنين، زائد واحد على 𝑅 تلاتة. وهكذا لحدّ واحد على 𝑅𝑛. والقانون ده بيبيِّن إنه كل ما بنزوِّد عدد المقاومات، قيمة واحد على 𝑅𝑝 هتزيد. ولمَّا قيمة كسر بتزيد، فده معناه إن قيمة المقام بتقلّ. يعني قيمة المقاومة الكلِّيَّة، اللي هي 𝑅𝑝، هتقلّ.

فلو كانت 𝑅 واحد هي أصغر مقاومة، فأكيد 𝑅𝑝 هتكون أقلّ منها. وهو ده المطلوب؛ إن تكون المقاومة المكافئة أقلّ من أصغر مقاومة فيهم. إذن طريقة التوصيل هي توصيل المقاومات على التوازي.

وبكده يبقى عرفنا طريقة توصيل مجموعة مقاومات عشان تكون المقاومة المكافئة ليهم أقلّ من أصغر مقاومة في المجموعة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.