فيديو: امتحان الاستاتيكا للعام السابق • ٢٠١٨/٢٠١٧ • السؤال التاسع

امتحان الاستاتيكا للعام السابق • ٢٠١٨/٢٠١٧ • السؤال التاسع

٠٣:٠٢

‏نسخة الفيديو النصية

في الشكل الموضّح؛ إذا كان ق تساوي ستاشر نيوتن، فما عزم ق حول النقطة أ؟ اكتب إجابتك بالنيوتن في سنتيمتر.

مطلوب منّنا نوجد عزم القوة ق حول النقطة أ. عزم القوة ق حول النقطة أ بنرمز له بالرمز ج أ. وعندنا تلات احتمالات لناتج أو لمقدار ج أ. ممكن يكون موجب، وممكن يكون سالب، وممكن يساوي الصفر.

بنقول إن إشارة عزم القوة ق حول النقطة أ موجبة، لو القوة ق بتجعل اتجاه الدوران حول أ عكس عقارب الساعة. وقيمة ج أ بتكون سالبة، لو القوة ق بتخلّي اتجاه الدوران حول أ في اتجاه دوران عقارب الساعة. وعزم القوة ق حول أ بيساوي صفر، لو كان خط عمل متجه ق بيمُرّ بالنقطة أ.

فلو جينا نبصّ على الشكل اللي قدّامنا، آدي النقطة أ اللي مطلوب نجيب العزم حواليها. وده هو خط عمل القوة ق، واتجاه حركته حول أ عكس اتجاه حركة عقارب الساعة.

يبقى إشارة العزم موجبة؛ لا هي سالبة، ولا بتساوي صفر. طبعًا مش هتساوي صفر؛ لأن خط عمل القوة ق مش بيمُرّ بالنقطة أ. كده إحنا عرفنا إشارة ج أ، اللي هي الموجبة، نبدأ نحسب قيمتها.

ج أ، أو القياس الجبري لمتجه عزم القوة ق حول أ، بيساوي ق في ل. حيث ق دي هي القوة اللي عندنا، اللي هي ستاشر نيوتن. وَ ل هو العمود الساقط من أ على خط عمل القوة ق، اللي هو بالشكل ده في الرسم.

طيّب دلوقتي إحنا عندنا قيمة ق، ومحتاجين نعرف قيمة ل. هنسمّي النقطة دي ج، ونقول في المثلث القائم أ ب ج؛ جا تلاتين درجة بتساوي المقابل على الوتر. المقابل للزاوية تلاتين هو ل، والوتر عشرين سنتيمتر.

من هنا نقدر نحسب قيمة ل، واللي بتساوي عشرين في جا تلاتين. يبقى ل بتساوي عشرين جا تلاتين. فبالتالي ج أ بتساوي ق اللي هي ستاشر، في ل اللي هي عشرين جا تلاتين.

يبقى ج أ بتساوي مية وستين نيوتن في سنتيمتر. وهو ده المطلوب عندنا في السؤال.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.