فيديو: كتابة حاصل ضرب عددين في الصورة القياسية

إذا كان سُمك ورقة ٠٫٠٠٤ سم، فما ارتفاع رِزْمَة ورق بها ٤٥٠ ورقة؟

٠٢:٠٢

‏نسخة الفيديو النصية

إذا كان سُمك ورقة أربعة من ألف سنتيمتر، فما ارتفاع رُزْمَة ورق بها ربعمية وخمسين ورقة؟

بما إن سُمك الورقة الوحدة أربعة من ألف سنتيمتر، وعدد الأوراق في الرزمة هو ربعمية وخمسين ورقة، يبقى ارتفاع رزمة الأوراق هيساوي سُمك الورقة في عدد الأوراق. وده هيساوي أربعة من ألف مضروب في ربعمية وخمسين.

فأول حاجة هنضرب بدون العلامات العشرية؛ يعني هنضرب أربعة في ربعمية وخمسين. فهنضرب بشكل رأسي. أول حاجة نضرب أربعة في الصفر، فالناتج هيساوي صفر. بعدين نضرب أربعة في خمسة، فالناتج هيساوي عشرين. فهنكتب صفر في الناتج، ونضيف اتنين فوق القيمة المكانية اللي بعد كده.

بعدين نضرب أربعة في أربعة هيساوي ستاشر، ونضيف ليها اتنين، فالناتج هيساوي تمنتاشر. يبقى أربعة في ربعمية وخمسين بيساوي ألف وتمنمية.

بعد كده نشوف العلامات العشرية في العددين. فهنلاقي العدد الأول فيه تلات أرقام على يمين العلامة العشرية. والعدد التاني ما فيش أي أعداد على يمين العلامة العشرية. وبالتالي هنحط العلامة العشرية بعد تلات أرقام من اليمين إلى اليسار. فالناتج هيساوي واحد وتمنية من عشرة.

ولو عايزين نكتب الإجابة على الصورة القياسية. فأول حاجة هنتحقق إن العدد أكبر من أو يساوي واحد، وأصغر من عشرة. وبما إن ده حاصل، يبقى هنضرب العدد في عشرة أس صفر؛ لأن عشرة أس صفر بتساوي واحد. يبقى ارتفاع رزمة الأوراق بيساوي واحد وتمنية من عشرة في عشرة أس صفر سنتيمتر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.