فيديو: حل المسائل الكلامية التي تتضمن طرح عددين مكوَّنين من أكثر من رقم

إذا كان عدد السائحين الذين زاروا مصر في شهر يناير ٤٧٦٤١، وفي شهر فبراير ٨٧٣٣٤، فأوجد الفرق بين عدد السائحين خلال الشهرين.

٠٢:٢٠

‏نسخة الفيديو النصية

إذا كان عدد السائحين الذين زاروا مصر في شهر يناير سبعة وأربعين ألف ستمية واحد وأربعين، وفي شهر فبراير سبعة وتمانين ألف تلتمية أربعة وتلاتين. فأوجد الفرق بين عدد السائحين خلال الشهرين.

دلوقتي مُعطى عندنا عدد السائحين في شهر يناير، وعدد السائحين في شهر فبراير. ومطلوب مننا نوجد الفرق بين عدد السائحين في الشهرين. الفرق بينهم معناه إن إحنا هنُجري عملية طرح. هنجري عملية الطرح اللي عندنا رأسيًّا. هنحط العددين تحت بعض، وناخد بالنا إن الآحاد تبقى تحت الآحاد، والعشرات تحت العشرات، وهكذا.

ونبدأ نطرح من الرقم الموجود في الخانة المكانية الأقل، اللي هو الرقم اللي موجود على اليمين. هنبتدي نطرح أربعة ناقص واحد، هيبقى تلاتة.

نتحرك للخانة المكانية اللي بعد كده. تلاتة ناقص أربعة. أربعة أكبر من تلاتة، فمش هينفع نطرحها من تلاتة؛ فمحتاجين نروح للخانه المكانية اللي قبلها، اللي فيها التلاتة الأخرى، ونستلف منها واحد؛ فهيصبح فيها اتنين، أما التلاتة اللي في خانة العشرات فهتصبح تلتاشر. دلوقتي بقى نطرح تلتاشر ناقص أربعة، يبقى الناتج تسعة.

دلوقتي بقى عايزين نطرح اتنين ناقص ستة، مش هينفع نطرح الستة من الاتنين؛ عشان الستة أكبر من الاتنين، يبقى هنعمل نفس الطريقة، هنروح للخانة المكانية اللي قبلها، هناخد منها واحد فالسبعة تصبح ستة، والاتنين دي هتصبح اتناشر. دلوقتي نقدر نطرح اتناشر ناقص ستة، هيبقى ناتج الطرح ستة.

دلوقتي عايزين نطرح ستة ناقص سبعة، برضو مش هينفع نطرح السبعة من الستة؛ عشان السبعة أكبر من الستة. هنروح للخانة المكانية اللي قبل الستة، ونستلف منها واحد، فهتصبح سبعة، والستة دي هتبقى ستاشر. دلوقتي نقدر نطرح ستاشر ناقص سبعة، هتساوي تسعة.

وبعدين نطرح سبعة ناقص أربعة، هيبقى بيساوي تلاتة. يبقى عرفنا الفرق بين عدد السائحين اللي زار مصر خلال الشهرين، اللي هو هيطلع تسعة وتلاتين ألف ستمية تلاتة وتسعين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.