فيديو: مقارنة المقادير التي تتضمن الضرب في ١٠، ١٠٠، ١٠٠٠ والقسمة عليها

أكمل باستخدام< أو = أو >: ٥٫٩١ × ١٠ _ ٥٩١ ÷ ١٠٠.

٠١:٣٦

‏نسخة الفيديو النصية

أكمل باستخدام أصغر من أو يساوي أو أكبر من: خمسة وواحد وتسعون من مائة في عشرة _ خمسمائة وواحد وتسعون على مائة.

عشان نقدر نكمل الجملة محتاجين نحسب مقدار الطرفين؛ بالنسبة للطرف الأيمن ففي حالة الضرب في قوى العشرة اللي هي عشرة أو مية أو ألف وهكذا، بنحرّك العلامة العشرية باتجاه اليمين بعدد حركات بيساوي أصفار قوة العشرة؛ ففي الحالة دي هنضرب في عشرة، فبالتالي هنحرّك العلامة العشرية باتّجاه اليمين بمقدار حركة واحدة؛ يبقى خمسة وواحد وتسعين من مية مضروبة في عشرة هيساوي تسعة وخمسين وواحد من عشرة.

وبالنسبة للطرف الأيسر ففي حالة القسمة على قوى العشرة فبنحرك العلامة العشرية باتِّجاه اليسار برضو بعدد حركات يساوي عدد الأصفار؛ ففي الحالة دي خمسمية وواحد وتسعين على مية، موقع العلامة العشرية في البداية هيبقى على يمين الواحد، فهنحركها لليسار بمقدار حركتين اللي هو عدد أصفار المية؛ يبقى خمسمية وواحد وتسعين على مية، هيساوي خمسة وواحد وتسعين من مية.

وبمقارنة تسعة وخمسين وواحد من عشرة وخمسة وواحد وتسعين من مية؛ هنلاقي إن خمسة وواحد وتسعين من مية مضروبة في عشرة أكبر من خمسمية وواحد وتسعين مقسومة على مية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.