فيديو: إيجاد المسافة التي يقطعها جسم باستخدام التمثيل البياني للعلاقة بين السرعة والزمن

يبيّن الشكل التالي العلاقة بين الزمن والسرعة لجسم بدأ حركته بسرعة ابتدائية ١٠ م/ث. احسب المسافة الكلية التي يقطعها الجسم إذا كان سيصل إلى السكون بعد ١٠٠ ثانية من بدء الحركة.

٠٢:٣٤

‏نسخة الفيديو النصية

يبيّن الشكل التالي العلاقة بين الزمن والسرعة لجسم بدأ حركته بسرعة ابتدائية عشرة متر لكل ثانية. احسب المسافة الكلية التي يقطعها الجسم إذا كان سيصل إلى السكون بعد مية ثانية من بدء الحركة.

بما إن الرسم بيوضح العلاقة بين السرعة والزمن، فالمساحة اللي تحت الرسم اللي تحت المنحنى، اللي لونه أزرق ده، بتمثّل المسافة التي قطعها الجسم. فهنوجد المساحة اللي تحت المنحنى ده بإن إحنا هنقسّمها لتلات أجزاء: واحد، اتنين، تلاتة. المساحة رقم واحد ده عبارة عن شبة منحرف، المساحة رقم اتنين ده مستطيل، المساحة رقم تلاتة ده مثلث. المسافة هتساوي مساحة واحد، اللي هو شبة المنحرف، وده عبارة عن نُص القاعدة الأولى زائد القاعدة التانية في الارتفاع؛ زائد مساحة اتنين، اللي هو المستطيل، اللي هو الطول في العرض؛ زائد المثلث، اللي هو الشكل رقم تلاتة، نص طول القاعدة في الارتفاع.

القاعدة الأولى لشبة المنحرف اللي هي العشرة ناقص الصفر، القاعدة التانية اللي هي الخمسة وتلاتين ناقص الصفر، اللي هي الطول ده والطول ده؛ والارتفاع اللي هو العشرة ناقص الصفر، اللي هي دي؛ يبقى مساحة الشكل الأولاني نص في خمسة وأربعين في عشرة، واللي هي هتساوي ميتين خمسة وعشرين.

المستطيل طوله هيبقى من خمسة وتلاتين للصفر، اللي هو خمسة وتلاتين؛ في العرض، اللي هو التلاتين ناقص العشرة؛ يعني هيساوي عشرين؛ يبقى كده المستطيل هتبقى مساحتة سبعمية.

المثلث هيبقى نص طول القاعدة في الارتفاع، القاعدة هتبقى من المية ناقص التلاتين، يعني هتساوي سبعين؛ في الارتفاع، من الخمسة وتلاتين للصفر، هيبقى خمسة وتلاتين؛ يبقى المثلث مساحته نص في سبعين في خمسة وتلاتين، اللي هي ألف ميتين خمسة وعشرين.

هنجمع المساحات دي على بعض، ونوجد المسافة الكلية، هتبقى ألفين مية وخمسين متر، وهي دي المسافة اللي هيقطعها الجسم علشان يصل للسكون بعد مية ثانية من بدء الحركة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.