تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: تفسير ومقارنة القِيَم المطلقة للأعداد الصحيحة في المسائل الكلامية

أحمد لطفي

يلعب فارس وبيتر إحدى ألعاب الطاولة. تحركت قطعة فارس ٣ مربعات إلى الخلف، في حين أن قطعة بيتر تحركت مربعين إلى الأمام. بتمثيل تحركات القطعتين كأعداد صحيحة، أيٌّ منهما قيمتها المطلقة أكبر؟

٠١:٦٠

‏نسخة الفيديو النصية

يلعب فارس وبيتر إحدى ألعاب الطاولة، تحركت قطعة فارس تلات مربعات إلى الخلف، في حين أن قطعة بيتر تحركت مربعين إلى الأمام، بتمثيل تحركات القطعتين كأعداد صحيحة أي منهما قيمتها المطلقة أكبر؟

في البداية لو عايزين نمثل تحركات القطعتين كأعداد صحيحة، هنفترض إن الأمام هو الاتجاه الموجب؛ وبالتالي بما إن قطعة فارس تحركت تلات مربعات إلى الخلف؛ يعني قطعة فارس تحركت تلات مربعات في الاتجاه السالب، يعني نقدر نمثل قطعة فارس بالعدد الصحيح سالب تلاتة، وبما إن قطعة بيتر تحركت مربعين إلى الأمام؛ يعني تحركت مربعين في الاتجاه الموجب، وبالتالي نقدر نمثل قطعة بيتر كأعداد صحيحة بالعدد اتنين، ومحتاجين نوجد أيٍّ منهما قيمتها المطلقة أكبر؛ يعني محتاجين نشوف القيمة المطلقة لسالب تلاتة والقيمة المطلقة لاتنين؛ أنهي قيمة مطلقة هتكون أكبر، هنفتكر إزاي كنا بنقدر نوجد قيمة مطلقة، هنفتكر الأول إيه هي القيمة المطلقة؛ فالقيمة المطلقة لأي عدد موجب هيساوي نفس العدد، يعني القيمة المطلقة لاتنين هيساوي اتنين، لكن القيمة المطلقة لعدد سالب هتساوي القيمة الموجبة للعدد اللي بداخل القيمة المطلقة؛ يعني القيمة المطلقة لسالب اتنين هتساوي اتنين، وبالتالي عشان نقدر نوجد قيمة القيمة المطلقة لسالب تلاتة، فبما إن سالب تلاتة هو عدد سالب، يبقى القيمة المطلقة لسالب تلاتة هتساوي تلاتة، والقيمة المطلقة لاتنين بما إن اتنين هو عدد موجب؛ فالقيمة المطلقة لاتنين هتساوي اتنين، وبما إن عندنا تلاتة أكبر من اتنين، يبقى نقدر نقول، إن التحرك إلى الخلف بتلاتة هتكون قيمتها المطلقة أكبر.