تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: كتابة المقادير الكسرية في صور مختلفة باستخدام قسمة كثيرات الحدود

أحمد لطفي

اكتب (٢ﺱ^٤ − ٢ﺱ^٢ − ٥)/(ﺱ + ٣) على صورة ﻕ(ﺱ) + ﺏ(ﺱ)/د(ﺱ).

٠٣:١٦

‏نسخة الفيديو النصية

اكتب اتنين س أس أربعة ناقص اتنين س أس اتنين ناقص خمسة الكل مقسوم على س زائد تلاتة على صورة ق س زائد ب س على د س.

في البداية عشان نقدر نكتب المقدار على صورة ق س زائد ب س على د س، محتاجين نجري عملية قسمة مطوّلة؛ هنقسم اتنين س أس أربعة ناقص اتنين س أس اتنين ناقص خمسة على س زائد تلاتة. أول خطوة هنقسم اتنين س أس أربعة على س، فهيكون عندنا اتنين س أس تلاتة، وبعدين هنرجع نضرب اتنين س أس تلاتة في س هيساوي اتنين س أس أربعة، واتنين س أس تلاتة في تلاتة هيساوي ستة س أس تلاتة. هنطرح، فهيكون عندنا سالب ستة س أس تلاتة ناقص اتنين س أس اتنين ناقص خمسة. هنقسم سالب ستة س أس تلاتة على س، فهيكون عندنا سالب ستة س أس اتنين. هنرجع نضرب سالب ستة س أس اتنين في س هيساوي سالب ستة س أس تلاتة، وسالب ستة س أس اتنين في تلاتة هيساوي سالب تمنتاشر س أس اتنين.

هنطرح، فهيكون عندنا ستاشر س أس اتنين ناقص خمسة. هنقسم ستاشر س أس اتنين على س، فهيكون عندنا ستاشر س. وهنرجع نضرب ستاشر س في س هيساوي ستاشر س أس اتنين، وهنضرب ستاشر س في تلاتة هيساوي تمنية وأربعين س. هنطرح، فهيكون عندنا سالب تمنية وأربعين س ناقص خمسة. هنقسم سالب تمنية وأربعين س على س هيساوي سالب تمنية وأربعين، بعدين هنضرب سالب تمنية وأربعين في س هيساوي سالب تمنية وأربعين س، وسالب تمنية وأربعين في تلاتة هيساوي سالب مية أربعة وأربعين.

هنطرح، فهيكون عندنا مية تسعة وتلاتين؛ وبالتالي لو عايزين نكتب المقدار في صورة ق س زائد ب س على د س، فـ ق س هتمثل ناتج القسمة، اللي هو اتنين س أس تلاتة ناقص ستة س أس اتنين زائد ستاشر س ناقص تمنية وأربعين زائد، ب س هتمثل باقي القسمة اللي هو مية تسعة وتلاتين مقسوم على د س، اللي هي س زائد تلاتة.

يبقى كده المقدار اتنين س أس أربعة ناقص اتنين س أس اتنين ناقص خمسة على س زائد تلاتة، على صورة ق س زائد ب س على د س؛ هيكون اتنين س أس تلاتة ناقص ستة س أس اتنين زائد ستاشر س ناقص تمنية وأربعين زائد مية تسعة وتلاتين على س زائد تلاتة.