فيديو: حل المسائل الكلامية بضرب الأعداد في جدول الضرب

يلعب طفل في الحديقة ثماني ساعات يوميًّا. كم ساعة يقضيها الطفل في اللعب هناك في ٥ أيام؟

٠١:٤٦

‏نسخة الفيديو النصية

يلعب طفل في الحديقة ثماني ساعات يوميًّا. فكم ساعة يقضيها في اللعب في خمس أيام؟

في المثال ده عندنا طفل هيلعب في الحديقة تمن ساعات كل يوم، وعايزين نعرف عدد الساعات اللي هيقضيها في اللعب في الحديقة في خلال خمس أيام. عشان نعرف نجيب عدد الساعات دي، هنجيب حاصل ضرب خمسة في تمنية؛ يعني خمس أيام في تمن ساعات لعب. يا تري حاصل الضرب ده هيكون كام؟ هنستخدم طريقة النماذج عشان نقدر نوجد حاصل الضرب، وهي عبارة عن دوائر هنحطها جنب بعضها بشكل معيّن، ونبدأ نعدّ الدوائر دي، هنحط تمن دوائر جنب بعض، واللي بيمثلوا عدد الساعات اللي بيلعبها الطفل في اليوم الواحد، ونكرر الصفوف دي لليوم التاني واليوم التالت والرابع والخامس.

وهنبدأ نعدّ الدوائر؛ في اليوم الأول وصلنا بالعد لتمن دوائر، وفي اليوم التاني وصلنا بالعد لستاشر دائرة، وهنكمل بالعد لحد ما نخلص الدوائر كلها، لقينا إننا وصلنا للعدد أربعين، وهو ده حاصل ضرب خمس صفوف واللي كانوا بيمثّلوا الخمس أيام، وتمن دوائر واللي كانوا بيمثّلوا عدد الساعات اللي هيلعبها الطفل في اليوم الواحد. إذن عدد الساعات التي يقضيها الطفل في اللعب بالحديقة في خمس أيام، هو حاصل الضرب خمسة في تمنية، واللي لقينا إنه هو بيساوي أربعين ساعة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.