فيديو: إيجاد قياس زاوية بمعلومية قياس الزاوية المكمِّلة لها

أوجد قياس ق∠دﺏﺟ.

٠١:٢٧

‏نسخة الفيديو النصية

أوجد قياس الزاوية د ب ﺟ.

ومُعطى عندنا الشكل اللي قدامنا ده، وعندنا الزاوية أ ب ﺟ واللي قياسها خمسة وتلاتين درجة، وعايزين نوجد قياس الزاوية د ب ﺟ اللي هي الزاوية دي.

فمن الشكل هنلاحظ إن الزاويتين بيكوّنوا زاوية مستقيمة اللي هي الزاوية دي، والزاوية المستقيمة هي الزاوية اللي قياسها مية وتمانين درجة؛ فمعنى كده إن الزاويتين أ ب د وَ د ب ﺟ هما زاويتين متكاملتين، والزاويتين المتكاملتين هما الزاويتان اللي مجموع قياسهم مية وتمانين درجة. فبالتالي هيبقى قياس الزاوية أ ب د زائد قياس الزاوية د ب ﺟ يساوي مية وتمانين درجة، وبما إن مُعطى عندنا في الشكل إن قياس الزاوية أ ب د خمسة وتلاتين درجة، فهنعوّض عن قياس الزاوية أ ب د بخمسة وتلاتين درجة؛ فهتبقى المعادلة هي خمسة وتلاتين درجة زائد قياس الزاوية د ب ﺟ يساوي مية وتمانين درجة؛ فعشان نوجد قياس الزاوية د ب ﺟ يبقى هنطرح خمسة وتلاتين درجة من طرفَي المعادلة؛ فبالتالي لمّا نطرح خمسة وتلاتين درجة من الطرف الأيمن للمعادلة هيبقى الطرف الأيمن هو … وأما الطرف الأيسر للمعادلة فهنطرح مية وتمانين درجة ناقص خمسة وتلاتين درجة، فلمّا نحسبها هتبقى بتساوي مية خمسة وأربعين درجة؛ وبالتالي هيبقى قياس الزاوية د ب ﺟ يساوي مية خمسة وأربعين درجة، وهو المطلوب في السؤال.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.