فيديو: إيجاد احتمال أحداث مركَّبة

مجموعة من ٨ بطاقات أرقامها ٥، ٧، ٨، ٩، ٩، ١٥، ١٩، ٢٠. عند سحب بطاقة عشوائيًّا ما احتمال أن تحمل عددًا أوليًّا؟

٠١:٣٥

‏نسخة الفيديو النصية

مجموعة من تمن بطاقات، أرقامها: خمسة، وسبعة، وتمنية، وتسعة، وتسعة، وخمستاشر، وتسعتاشر، وعشرين. عند سحب بطاقة عشوائيًّا ما احتمال أن تحمل عددًا أوليًّا؟

يعني معطى عندنا إن فيه مجموعة من تمن بطاقات، أرقامها بالشكل ده. والمطلوب إننا لمّا نسحب بطاقة عشوائيًّا إيه هو احتمال أن تحمل البطاقة عددًا أوليًّا.

وخلينا في الأول نفتكر إن احتمال الحدث بيساوي عدد نتائج هذا الحدث، على إجمالي عدد النتائج المحتملة. والحدث اللي عايزين نحسب احتماله، هو إن تكون البطاقة بتحمل عدد أولي. فمعنى كده إننا عشان نوجد احتمال ظهور عدد أولي على البطاقة، يبقى هنقسم عدد البطاقات اللي بتحمل عدد أولي، على إجمالي عدد البطاقات. فلمّا نيجي نشوف عدد البطاقات اللي بتحمل عدد أولي، فهنلاحظ إن عندنا العدد خمسة عدد أولي، والعدد سبعة، والعدد تسعتاشر عدد أولي. فهتبقى هي دي الأعداد الأولية اللي عندنا وعددهم تلات أعداد.

فبالتالي هتبقى عدد نتائج الحدث إن البطاقة تكون ذات عدد أولي، هو تلاتة. فيبقى تلاتة على إجمالي عدد البطاقات. وإجمالي عدد البطاقات؛ يعني هنعدّ جميع البطاقات اللي عندنا. فيبقى عندنا واحد، اتنين، تلاتة، أربعة، خمسة، ستة، سبعة، تمنية. فبالتالي هيبقى إجمالي عدد البطاقات هو تمنية. فبالتالي هيبقى احتمال الحصول على عدد أولي بيساوي تلاتة على تمنية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.