فيديو: حل نظام معادلات خطية بيانيًّا

استخدم الرسم البياني المقابل لحل المعادلتين الآنيتين الموضحتين. ص = ٤س − ٢، ص = −س + ٣.

٠١:١٣

‏نسخة الفيديو النصية

عندنا في المثال فيه رسم بياني، عايزين نستخدمه علشان نحل المعادلتين الآنيتين الموضحتين. المعادلة الأولى هي: ص تساوي أربعة س ناقص اتنين. والمعادلة التانية هي: ص تساوي سالب س زائد تلاتة.

عندنا في المثال نظام مكوّن من معادلتين. المعادلة الأولى هي: ص تساوي أربعة س ناقص اتنين. والمعادلة التانية هي: ص تساوي سالب س زائد تلاتة. وفي الشكل اللي عندنا، هنلاقي فيه مستقيمين. كل واحد فيهم بيمثّل معادلة من المعادلتين اللي عندنا. المستقيم الأخضر بيمثّل المعادلة: ص تساوي أربعة س ناقص اتنين. أمّا المستقيم الأزرق، فبيمثّل المعادلة: ص تساوي سالب س زائد تلاتة.

وكمان هنلاحظ من خلال الرسم البياني اللي عندنا، إن المستقيمين بيتقاطعوا في نقطة واحدة. هي النقطة دي. اللي الإحداثي السيني بتاعها هو واحد، والإحداثي الصادي بتاعها هو اتنين. يعني المستقيمين بيتقاطعوا في النقطة واحد واتنين. معنى كده إن النظام اللي عندنا، هيكون له حل وحيد. هو عبارة عن الزوج المرتب واحد واتنين. وممكن نقول الحل في صورة تانية. وهو: س تساوي واحد، وَ ص تساوي اتنين.

وبكده يبقى إحنا حلّينا المعادلتين اللي عندنا، باستخدام الرسم البياني.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.