فيديو: متوازي المستطيلات والمُعين

متوازي الأضلاع يكون معينًا عندما يكون قطراه _.

٠١:١٢

‏نسخة الفيديو النصية

متوازي الأضلاع يكون معينًا عندما يكون قُطراه نقط.

متوازي الأضلاع بيكون فيه كل ضلعين متقابلين، متوازيين ومتساويين. طب إمتى بنقدر نقول إن متوازي الأضلاع ده، هيبقى معيّن؟ المعيّن حالة خاصة من حالات متوازي الأضلاع. بيتحقّق فيه الشرطين دول. أول شرط إن بيبقى فيه ضلعين متجاورين متساويين، بالشكل ده. وبما إن هو وارث من متوازي الأضلاع صفاته الأصلية، يعني كل ضلعين متقابلين هيبقوا متوازيين ومتساويين. فده معناه إن أضلاعه الأربعة هتبقى متساوية.

تاني شرط لازم يتحقّق، إن القطرين يبقوا متعامدين، واللي مش موجود في حالة متوازي الأضلاع. يعني قياسات الزوايا، اللي بتصنعها الأقطار بتاعته، بتساوي تسعين درجة. يبقى كده عرفنا إن المعيّن بيكون فيه ضلعين متجاورين متساويين، والقطريين متعامدين. وبكده يبقى قدرنا نكمّل الجملة المطلوب منّنا تكملتها. وعرفنا إن متوازي الأضلاع يكون معينًا عندما يكون قُطراه متعامدَين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.