فيديو: إيجاد مساحة متوازي الأضلاع

أوجد مساحة متوازي الأضلاع أبﺟد الذي فيه أب = ٨٫٣ سم.

٠٢:٣٣

‏نسخة الفيديو النصية

أوجد مساحة متوازي الأضلاع أ ب ﺟ د الذي فيه أ ب يساوي ثمانية وثلاثة من عشرة سنتيمتر.

مساحة متوازي الأضلاع بتساوي طول القاعدة في الارتفاع المناظر لها. ومعطى إن طول الضلع أ ب بيساوي تمنية وتلاتة من عشرة سنتيمتر.

لكن المعلومة دي في الحقيقة مش هنستخدمها في حلّ المسألة؛ لأن مساحة متوازي الأضلاع بتساوي طول القاعدة، اللي هو تمنية وتمنية من عشرة سنتيمتر. في الارتفاع المناظر لها، اللي هو المسافة بين القاعدتين، اللي هو من الشكل سبعة وسبعة من عشرة سنتيمتر.

يعني مساحة متوازي الأضلاع بتساوي تمنية وتمنية من عشرة في سبعة وسبعة من عشرة. فنضرب العددين في الأول بدون العلامات العشرية. فهنضرب تمنية وتمانين في سبعة وسبعين. ده هيساوي … أول حاجة نضرب سبعة في تمنية هيساوي ستة وخمسين. فنكتب ستة في الناتج، ونكتب خمسة فوق القيمة المكانية اللي بعد كده. بعدين نضرب سبعة في تمنية هيساوي ستة وخمسين. ونضيف ليها خمسة هيساووا واحد وستين.

بعدين نكرّر نفس العملية، ونضرب السبعة التانية في تمنية وتمانين. وبما إن السبعة التانية القيمة المكانية ليها هي العشرات، فهنضيف صفر في الناتج، بعد كده نضرب بشكل طبيعي. بعدين نضرب سبعة في تمنية هيساوي ستة وخمسين. فنكتب ستة في الناتج، ونضيف خمسة فوق القيمة المكانية اللي بعد كده. بعدين نضرب سبعة في تمنية هيساوي ستة وخمسين. ونضيف ليها خمسة هيساووا واحد وستين. بعدين نجمع ستة زائد صفر هيساوي ستة. واحد زائد ستة هيساوي سبعة. ستة زائد واحد هيساوي سبعة. بعدين ننزّل الستة. يبقى تمنية وتمانين في سبعة وسبعين هيساوي ست آلاف وسبعمية وستة وسبعين.

بعدين نشوف العلامات المضروبة بالعلامات العشرية. فهنلاقي إن فيه رقم واحد على يمين العلامة العشرية في العدد الأول، ورقم واحد على يمين العلامة العشرية في العدد التاني. فده معناه إننا هنعدّ عددين من اليمين إلى اليسار، بعدين نحطّ العلامة العشرية.

يبقى تمنية وتمنية من عشرة في سبعة وسبعة من عشرة هيساوي سبعة وستين وستة وسبعين من مية. ومساحة متوازي الأضلاع أ ب ﺟ د هتساوي سبعة وستين وستة وسبعين من مية سنتيمتر مربع.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.